QR Qorǵanys mınıstrligi: 100 myńǵa jýyq qazaqstandyqty shaqyrý ýchaskeleri tirkeýge alady

ASTANA. QazAqparat - Qazaqstanda azamattardy shaqyrý ýchaskelerine tirkeý bastaldy. 2016 jyldyń qańtary men naýryz aıy aralyǵynda 1999 jyly týǵan 100 000-ǵa tarta qazaqstandyq áskerı esepke alynady, dep habarlady QR Qorǵanys mınıstrliginiń baspasóz qyzmetinen.

Tirkeý jergilikti atqarý organdary arqyly qorǵanys isteri jónindegi basqarmalarda júzege asyrylady. Olardyń sheshimi boıynsha azamattardy medıtsınalyq kýálandyrýdan ótkizý úshin medıtsınalyq komıssııa qurylady.

QR QK Bas shtaby Uıymdastyrý-jumyldyrý jumystary departamentinde túsindirgendeı, tirkeýge alý azamattardy áskerı esepke qoıý, olardyń sanyn, bilim deńgeıi men dene daıarlyǵyn, áskerı qyzmetke jaramdylyq dárejesin anyqtaý úshin uıymdastyrylyp, ótkiziledi.
Medıtsınalyq kýálandyrýdan ótý barysynda densaýlyq jaǵdaıy boıynsha shamaly shekteýler anyqtalǵan bozbalalarǵa tıisti emdeý mekemelerine joldamalar beriledi. Ol jerde jetkinshekter densaýlyqtaryn qalpyna keltire alady.