QR Qorǵanys mınıstrin Ózbekstannyń prezıdenti qabyldady
Tashkent qalasynda QR Qorǵanys mınıstriniń Ózbekstan qorǵanys vedomstvosynyń basshysy general-polkovnık Kabýl Berdıevpen resmı kezdesýi ótti. Kezdesý barysynda taraptar ekijaqty yntymaqtastyqtyń keleshek baǵyttaryn, sondaı-aq óńirdegi qaýipsizdiktiń qaýip-qaterlerine jedel den qoıý mánmátininde qorǵanys salasynda is júzinde ózara is-qımyldy nyǵaıtý máselelerin egjeı-tegjeıli talqylady.
Ekijaqty kezdesý qorytyndysy boıynsha taraptar áskerlerdiń birlesken jedel jáne jaýyngerlik daıarlyǵy sheńberindegi jáne áskerı bilim berý aıasyndaǵy is-sharalardy qamtıtyn áskerı yntymaqtastyq josparyna qol qoıdy. Qazaqstan men Ózbekstan áskerı vedomstvolarynyń ekijaqty qarym-qatynasy tarıhynda mundaı qujat alǵash ret jasalyp otyrǵanyn aıta ketý qajet.
Sapar aıasynda QR Qorǵanys mınıstrin Ózbekstannyń Prezıdenti Shavkat Mırzıeev qabyldady. Respýblıka Prezıdenti eki eldiń qarýly kúshteri arasyndaǵy ózara is-qımyldyń qarqyndylyǵyna qanaǵattandyrylǵanyn bildirip, óńirdiń qaýipsizdigi úshin qorǵanys salasynda yntymaqtastyqty nyǵaıtý qajettiligi týraly pikirin aıtty. Óz kezeginde,
S. Jasuzaqov Ózbekstan Respýblıkasynyń Prezıdentin qushaq jaıa qarsy alǵany úshin alǵysyn bildirip, Qazaqstan Respýblıkasynyń Prezıdenti Nursultan Nazarbaevtyń jyly lebizderin jetkizdi. Qorǵanys vedomstvosynyń basshysy áskerı jáne áskerı-tehnıkalyq salalarda qazaqstandyq-ózbekstandyq ózara tıimdi seriktestikti ári qaraı nyǵaıtýǵa múddeliligi men ázirligin atap ótti.
Qazaqstandyq delegatsııanyń Ózbekstanda bolýy kezinde Kokand q. ÓR QK áskerı bólimderiniń birine barý uıymdastyryldy. Ózbek áriptesterimiz jeke quramnyń kúndelikti tynys-tirshiligi men jaýyngerlik daıarlyǵynyń uıymdastyrylý úderisin, sondaı-aq ózbek armııasy áskerı qyzmetshileriniń turmys jaǵdaıyn pash etti.
Eki kúndik saparynyń sońynda Qazaqstannyń Qorǵanys mınıstri general-polkovnık Sáken Jasuzaqov Ózbekstannyń tuńǵysh Prezıdenti Islam Kárimovti eske alyp, Samarqand qalasynda ornalasqan qabirine gúl shoqtaryn qoıdy.