QR Qorǵanys mınıstri tótenshe jaǵdaılar saldaryn joıý jónindegi «Járdem-2016» arnaıy oqý-jattyǵýyn aıaqtady (FOTO)
Oqý-jattyǵý úsh kezeńde ótkizildi. 1. «Kúshter men quraldardy tolyq jaýyngerlik ázirlikke keltirý». 2. «Nysandardy qıratý» 3. «Qırandy saldaryn joıý, buzylǵan jerlerdi qalpyna keltirý».
Atalǵan oqý-jattyǵýdy ótkizýdiń ózektiligi Saryshaǵan polıgonynyń aýdanynda 20 jyldan asa paıdalanylmaǵan jáne qanaǵattanarlyqsyz jaǵdaıdaǵy ǵımarattar men qurylystardyń ornalasýymen baılanysty. Onyń sheńberinde áskerı qyzmetshiler tótenshe jaǵdaılar kezinde apat saldaryn bólshekteýdi júrgizdi. Arnaıy oqý-jattyǵýdy ótkizý barysynda 20 myń gektar alańda 200-den asa jaramsyz ǵımarat pen qurylys qoparylyp, qulatyldy.
«Bul oqý-jattyǵý erekshe baǵytqa ıe. Alǵash ret nıetke sáıkes áskerı qyzmetshiler tótenshe jaǵdaılar kezinde apat saldaryn borshalaýdy júrgizdi. Praktıkalyq sabaqtar jeke quramnyń, áskerı ınjenerler men qoparý toptarynyń mashyǵy men daǵdysyn jetildirýge múmkindik berdi. Qazirgi ýaqytta oqý-jattyǵý nátıjelerin muqııat taldaý qajet», - dedi Imanǵalı Tasmaǵambetov sońǵy kezeń barysynda.
Jalpy alǵanda, «Járdem-2016» oqý-jattyǵýyna 200-den asa áskerı qyzmetshi tartyldy, 170 jarylys júrgizildi. 207 nysan qulatyldy jáne shamamen 100 birlik arnaıy tehnıka, ıaǵnı, býldozerler, tıegishter men ekskavatorlar qatystyryldy. Sońǵy kezeńge qırandy saldaryn joıýdyń jalpy kólemi shamamen 170 myń tekshe metrdi qurady. Bul kólemge qurylys qoqysyn tıeý jáne shyǵarý, sondaı-aq qurylys qoqysynyń almastyrylýy kirdi.
Eki jarym aı ishinde áskerı bólimsheler ǵımarattardy bólshekteý men borshalaýdy, sondaı-aq aýmaqty tazartyp, sońǵy kádege jaratýdy júrgizgenin aıta ketken jón.