QR Qorǵanys mınıstri Otan qorǵaýshylardy Uly Jeńis merekesimen jáne Qarýly Kúshterdiń qurylǵan kúnimen quttyqtady

ASTANA. 6 mamyr. QazAqparat - Búgin Qorǵanys mınıstrliginde ótken saltanatty jıynda mınıstr Ádilbek Jaqsybekov Otan qorǵaýshylardy Uly Jeńis merekesimen jáne Qarýly Kúshterdiń qurylǵan kúnimen quttyqtady, dep habarlady vedomstvonyń baspasóz qyzmeti.

Otandy janqııarlyqpen qorǵaý - halqymyzdyń tarıhı dástúri, el basyna kún týǵanda jaýynger babalarymyz eldi, jerdi qorǵaý úshin atqa mingen. Búgingi Otan qorǵaýshylary da jaýynger urpaqtyń zańdy jalǵasy dese bolady.

Memlekettiń qaýipsizdigin el Qarýly Kúshteri senimdi qamtamasyz etip keledi. Qazirgi tańda áskerde qyzmet etý Qazaqstannyń kez kelgen azamatynyń qasıeti boryshy ǵana emes, erlerdiń shyn mánindegi qurmetti isi bolyp otyr, dep atap ótti baspasóz qyzmeti.

Saltanatty jıynda Qorǵanys mınıstri birqatar áskerı qyzmetshilerge memlekettik nagradalar men áskerı ataqtar tabys etti.

Mınıstr barlyq áskerı qyzmetshilerdi Otan qorǵaýshylar kúnimen jáne Uly Jeńis merkesimen quttyqtady. Olarǵa myqty densaýlyq, Otan aldyndaǵy qyzmetterine tabys tiledi.