QR Qorǵanys mınıstri «Ońtústik» jáne «Shyǵys» óńirlik qolbasshylyǵy áskerleriniń qolbasshylaryn tanystyrdy (FOTO)
«Elimizdiń basshylyǵymen júrgizilip jatqan sarabdal saıasattyń arqasynda bolashaqta atalǵan baǵyt boıynsha Shyǵystan áleýetti qaýip-qater tónip turǵan joq. Dese de, Joǵarǵy Bas Qolbasshy aıtqandaı, kez kelgen nársege saqadaı saı daıyn bolý kerek. Basqa sózben aıtqanda, «Shyǵys» óńirlik qolbasshylyǵynyń áskerleri kez kelgen qoıylǵan tapsyrmalardy oryndaýǵa jaýyngerlik ázir bolýy tıis», - dedi vedomstvo basshysy «Shyǵys» óńirlik qolbasshylyǵy áskerleriniń qolbasshysy Nurlan Qashaǵanovty tanystyrý barysynda. Sondaı-aq ol atqarǵan qyzmeti men jaýyngerlik ázirlikti arttyrýǵa qosqan úlesi úshin burynǵy qolbasshy general-maıor Murat Bektanovqa alǵysyn bildirdi.
Dál osy kúni Qorǵanys mınıstri QR QK Joǵarǵy Bas Qolbasshysy taǵaıyndaǵan «Ońtústik» óńirlik qolbasshylyǵy áskerleriniń qolbasshysy general-maıor Marat Qusaıynovty tanystyrdy.
«Aldaryńyzda turǵan mindetter men jaýapkershilik aımaǵynyń aýqymdylyǵyn eskere otyryp, áskerlerdiń ońtústik toptamasy sany jaǵynan eń kóp áskerlerdiń biri bolyp tabylady. Sonymen birge, áskerlerdiń tekserisi men aǵymdaǵy jaǵdaıdyń taldaýy birqatar júıeli kemshilikterdiń bar ekenin kórsetedi. Bul kemshiń tustardy óziniń shtabymen birge jańadan taǵaıyndalǵan qolbasshyǵa sheshý qajet bolady», - dedi Qorǵanys mınıstri jáne qolbasshylyq aldynda turǵan naqty tapsyrmalardy belgiledi.
Sondaı-aq vedomstvo basshysy mynany atap ótti. Bul jumystyń nátıjesi oqý-jattyǵý túrinde uıymdastyrylǵan kúz mezgilindegi kenetten tekserý júrgizý barysynda baıqalatyn bolady.
Budan buryn basqa áskerı laýazymǵa aýysýlaryna baılanysty Memleket basshysynyń ókimderimen «Ońtústik» óńirlik qolbasshylyǵy áskerleriniń qolbasshysy laýazymynan Talǵat Mamyrtaıuly Qoıbaqov pen «Shyǵys» óńirlik qolbasshylyǵy áskerleriniń qolbasshysy laýazymynan Murat Káribaıuly Bektanov bosatylǵanyn aıta ketken jón.