QR Qorǵanys mınıstri iri áskerı polıgondardyń damý baǵyttaryn belgiledi
Qorǵanys mınıstri Taraz qalasyndaǵy áýejaıdyń áskerı sektoryna baryp, áskerı bólimderdiń áýeaılaqtaryna irgeles ornalasqan nysandardyń qurylys josparyn qarastyrdy. Sebebi, Qorǵanys mınıstrliginiń jospary boıynsha munda UUA daıyndaý jáne jaýyngerlik qoldaný ortalyǵy qurylady. Qaıta qurastyrý aýdany 50 myń sharshy metr bolatyn áskerı bólimniń áýeaılaqtyq ýchaskesinde barlyq nysandar salynyp, jóndeýden ótedi.
Dál osy kúni Qorǵanys mınıstri «Mátibulaq» jáne «Gvardeısk» polıgondarynda keńes ótkizdi. Óıtkeni, atalǵan nysandar avıatsııany, zymyran áskerleri men artıllerııany qoldana otyryp, iri áskerı oqý-jattyǵýlardy bir ýaqytta ótkizýge múmkindik beretin Qazaqstandaǵy aýqymdy jalpyáskerı polıgondardyń biri bolyp tabylady.
Búgingi tańda negizgi baǵyttar boıynsha damytýdyń keshendi jospary ázirlendi. Onda qurylys pen jóndeýdiń barlyq negizgi aspektileri kózdelgen. Ol komandalyq pýnkti, oq-dári jáne avıatsııany keltirý pýnktteri, atys oryndary, tikushaq alańy, 100 metrlik oq atý tıriniń úıindileri, modýldi kazarma men BÓP-tiń salynýy, kýbrık úlgisi boıynsha kazarmalardy qaıta jabdyqtaý, tazarylmaly qurylystardyń kúrdeli qurylysy. Sondaı-aq, áskerı qalashyqtyń ınfraqurylymyn abattandyrý jáne kórkeıtý. «Belgilengen jumys qatań keste boıynsha júrgizilýi tıis. Demek, barlyq ótkiziletin sharalar 2017 jyldyń 1 shildesine qaraı aıaqtalýy qajet. Jaýapty adamdar oryndalý merzimin jáne júrgiziletin jumystyń sapasyn qadaǵalap otyrǵandary jón», - dedi Imanǵalı Tasmaǵambetov.
Odan basqa, kúrdeli jóndeý Qaraǵandy garnızonynyń «Spassk» oqý-jattyǵý polıgonynda, Astananyń Qyrqynshy stansasyndaǵy 68665 áskerı bóliminiń aýmaǵynda júrgiziledi jáne Almaty qalasyndaǵy Qurlyq áskerleri Áskerı ınstıtýty oqý polıgonynyń obektileri qalpyna keltiriledi.