QR Qorǵanys mınıstri birqatar áskerı qyzmetshilerge memlekettik nagradalar men áskerı shen tabystady

ASTANA. QazAqparat - Búgin Otan qorǵaýshy kúni qarsańynda QR Qorǵanys mınıstrliginde vedomstvo basshysy general-polkovnık Sáken Jasuzaqovtyń qatysýymen saltanatty jınalys ótti. Onda ol Qazaqstan Respýblıkasy Qarýly Kúshteriniń barlyq áskerı qyzmetshilerin ataýly data - Qazaqstan Qarýly Kúshteriniń 25 jyldyǵymen quttyqtady, dep habarlaıdy atalǵan mınıstrliktiń baspasóz qyzmeti.

Saltanatty rásimde qorǵanys vedomstvosynyń basshysy birqatar áskerı qyzmetshilerge memlekettik nagradalar men merzimnen buryn áskerı shen tabystady. ІІ-dárejeli «Dańq» ordenimen QR QK BSh Strategııalyq josparlaý departamentiniń bastyǵy general-maıor R.N.Shpekbaev, ІІ-dárejeli «Aıbyn» ordenimen QR QK Baılanys bas basqarmasynyń bastyǵy polkovnık S.Q.Qurmanov, UJBB bastyǵy - QR QK QÁ BQB BShBO polkovnık E.T. Qojahmetov, «Qurmet» ordenimen avıatsııa general-maıory J.I. Sándibaev, Qorǵanys mınıstriniń keńesshisi, «Jaýyngerlik erligi úshin» medalimen QR QM HYD basqarma bastyǵy podpolkovnık V.V. Vıshnıkın, «Eren eńbegi úshin» medalimen QR QM BǴD bastyǵynyń laýazymyn ýaqytsha atqarýshy A.N. Tólembaeva, «QR QM ÁTM» RMKK bas dırektorynyń orynbasary A.H. Tatymtaeva marapattaldy.

Merzimnen buryn «polkovnık» áskerı ataǵy QR QK BSh SJD QR QK damytý basqarmasy bóliminiń bastyǵy podpolkovnık A.Q. Bıýrotaevqa, QR QK ATBB bastyǵy podpolkovnık V.A. Gennege, «kapıtan» áskerı ataǵy ÁQK BQB jekelegen batalon shtaby MQQjAQ qyzmetiniń bastyǵy aǵa leıtenant A.A. Aqmaǵambetovke, Astana qalasy Almaty aýdany birikken QІJB tobynyń bastyǵy aǵa leıtenant T.D. Spataevqa berildi.

Búgin Aqordada saltanatty rásim ótkenin esterińizge sala keteıik. Onda Elbasy - QR QK Joǵarǵy Bas qolbasshysy  N.Á. Nazarbaev  áskerı qyzmetshilerge joǵary áskerı shender men memlekettik nagradalar tabystady.

Ataýly kúnde Qazaqstan Qarýly Kúshteriniń 25 jyldyǵyna oraı 49 áskerı qyzmetshi, onyń ishinde, 7 qaza bolǵan áskerı qyzmetshi marapattaldy.