QR Qorǵanys mınıstri Beıjiń forýmynda sóz sóıledi
Forýmnyń plenarlyq otyrysyndaǵy baıandamasynda qorǵanys vedomstvosynyń basshysy qarý-jaraq pen jahandyq qaýipsizdikti halyqaralyq baqylaý júıesine qatysty oı-pikirimen bólisti.
«Táýelsizdik jyldarynda elimiz kórshilik pen yntymaqtastyq beldeýin qurdy, Azııadaǵy senim sharalary men ózara is-qımyl jónindegi keńestiń qurylýyna bastama tanytty, ShYU quryltaıshylarynyń birine aınaldy. Azııanyń qaýipsizdigin qamtamasyz joldaryn kiriktirý jónindegi jumysty birtutas etip jalǵastyrýdy qajet dep sanaımyz. QR Prezıdenti Qasym-Jomart Toqaev aıtqandaı «búgin biz ókinishke oraı, ártúrli ekijaqty alıanstardyń, óńirlik jáne sýbóńirlik ınstıtýttardyń alýan túrin kórip otyrmyz», - dedi ol.
Mınıstr ǵaryshta, Álemdik muhıt pen Arktıkadaǵy beıtarap sýlarda qarý-jaraqty ornalastyrýǵa tyıym salý týraly «Álem. HHІ ǵasyr» manıfestinde atap ótilgen Elbasy bastamalarynyń mańyzdylyǵyn, sondaı-aq jappaı joıý qarýynyń jańa túrlerin qurý úshin ǵylymı jańalyqtardy paıdalanýǵa tyıym salý týraly atap ótti.
«Óńirlik jáne jahandyq turaqtylyq kóbinese kelisilgen is-qımyldarymyzǵa baılanysty bolady. Sondyqtan birlesken sheshimderdi izdestirý jáne teris úrdister men qaýip-qaterlerge toıtarys berýdi tereńdetý qajet», - dep Nurlan Ermekbaev oıyn túıindedi.
Qytaıǵa jumys sapary barysynda mınıstr qytaılyq áriptesi QHR ulttyq qorǵanys mınıstri general-polkovnık Veı Fenhemen kezdesti.
Qorǵanys vedomstvolarynyń basshylary áskerı saladaǵy ekijaqty yntymaqtastyq baǵyttaryn, birlesken oqý-jattyǵýlarǵa qatysý, kadrlardy daıyndaý, sondaı-aq áskerı-tehnıkalyq ózara is-qımyldy talqylady. Mınıstr qytaılyq áriptesin Beıjiń forýmyna qatysýǵa shaqyrǵany úshin alǵys bildirdi.
Odan basqa, Qorǵanys mınıstri «CATIC» qytaı ulttyq aeroǵarysh ımporttyq-eksporttyq korporatsııasyna jáne qosalqy bólshekterdi saqtaýǵa arnalǵan avtomattandyrylǵan qoımaǵa bardy.