QR Qorǵanys mınıstri Armııa halyqaralyq oıyndary - 2016 baıqaýlarynyń jeńimpaz áskerılerin quttyqtady
«Men Reseı Federatsııasymen qatar bıylǵy jyly elimizde alǵash ret ótken Armııa halyqaralyq oıyndaryna qatysqandardyń barlyǵyn quttyqtaıtynyma qýanyshtymyn. Biz jalpy komandalyq ekinshi oryndy enshiledik. Munyń ózi - jetistik. Óıtkeni, armııamyzdyń tarıhyndaǵy eń aýqymdy áskerı básekeniń kýágeri boldyq. Mundaǵy sáttiliktiń quny jaı ǵana joǵary emes, shynaıy kúrdeli ári qurmetti boldy. Jer jahannyń 19 elinen kelgen 120 komanda, myńdaǵan myqty áskerı kásipqoılar, júzdegen birlik áskerı tehnıka men avıatsııa eki apta boıy óz isinde úzdikter ataǵyna baq synasty. Sondyqtan bul nátıjege jetýimiz ortaq kúsh-jigerimiz ben árbir komanda múshesiniń jemisi», - dedi QR Qorǵanys mınıstri Imanǵalı Tasmaǵambetov.
Armııa halyqaralyq oıyndary - 2016 baıraqty básekesine qatysqan 20 sardarǵa qol jetkizgen jetistikteri úshin kezekti áskerı ataqtary merziminen buryn berildi. Olardyń arasynda «1-dárejeli kapıtan» áskerı ataǵy Álibek Ahetovke, «podpolkovnık» sheni Rýslan Alǵýatovqa, Erbol Áýbákirovke, Dáýren Esperdınovke, «maıor» ataǵy Talap Birbalanovqa, Amanjol Rahmetovke, Rýstam Kárimovke, Ádilbek Ysqaqovqa, Rýslan Maqadıevke berildi. Baıqaýdaǵy joǵary jetistikteri úshin áskerı qyzmetshilerge baǵaly syılyqtar tabys etildi. «Mergen shebi» baıqaýynyń jeńimpazy kishi serjant Nursultan Baqtyorazǵa avtokólik, «Artıllerııalyq oq atý sheberleri» baıqaýynyń júldegeri serjant Ǵabıt Dáýletovke avtokólik, eseptop múshelerine teledıdar, «Tank bıatlonynyń» úzdik ekıpajy 10810 á/b tankti rotasynyń komandıri aǵa leıtenant Asylbek Músirmanqulovqa avtokólik, ekıpaj múshelerine teledıdar.
«Elbasymyz - QR Qarýly Kúshteriniń Joǵarǵy Bas Qolbasshysy Nursultan Ábishuly Nazarbaev aıtqandaı, «Abyroı, dańq, qajyrlyq, jeńis jáne armııada maqtan etýge daǵdylanyp qalǵanymyzdyń barlyǵy qarapaıym sarbazdyń úlken jaýapkershiliginiń jemisi ǵana». Meniń paıymdaýymsha, bul jaýyngerlik saıysqa qatysýshylardyń árqaısysynyń kúsh-jigerinen bolǵan oı-pikirden ǵana qısyndy emes. Bul jalpy komandalyq rýhymyzdyń kórsetkishine aınaldy», - dep qorǵanys vedomstvosynyń basshysy atap ótti.
Nagradalar jáne qundy syılyqtarmen qatar júldeli oryndarǵa ıe bolǵan oıynǵa qatysqandardyń barshasy 10 kúndik demalys jáne aqshalaı syıaqymen kótermelendi. Oıynǵa qatysýshylardyń birqatary, sondaı-aq, shyǵarmashylyq toptyń jetekshileri «Halyqaralyq áskerı yntymaqtastyqty nyǵaıtqany úshin» medalimen marapattaldy. Barlyq saıystar tikeleı efırde kórsetilgenin aıta keteıik. Jalpy alǵanda, Kanada, Ulybrıtanııa, Japonııa men AQSh sııaqty elderdegi kórermender de qamtylyp, atalmysh básekeni 450 myńnan asa adam tamashalady. Bul degenimiz - oıynnyń joǵary deńgeıde ótkeniniń dáleli. Kelesi jyly Qazaqstan óz jerinde Armııa halyqaralyq oıyndaryn jańartylǵan baǵdarlama túrinde ótkizedi. Áskerı polıgondarymyzdyń aýmaǵynda alǵash ret 5 baıqaý ótkiziledi. Onyń 3-eýi pishimi men qatysýshylary boıynsha tyń jańa. Armııa halyqaralyq oıyndarynyń baǵdarlamasyna alǵash ret brondalǵan avtomashınalardaǵy rallı, UUA baıqaýy, sondaı-aq, áıel áskerı qyzmetshilerge arnalǵan kópsaıys arnaıy baıqaýy qosylady.