QR Qorǵanys mınıstri Aqtóbe garnızonyn tekserdi

ASTANA. QazAqparat - QR Qorǵanys mınıstri general - polkovnık Sáken Jasuzaqov Aqtóbe garnızonyna jumys saparymen bardy, dep habarlaıdy mınıstrliktiń baspasóz qyzmeti.  

Jumys barysynda áskerı vedomstvo basshysy M. Ospanov atyndaǵy Batys Qazaqstan memlekettik ýnıversıtetine bardy. Onda oqý materıaldyq-baza men áskerı-medıtsınalyq fakýlteti kýrsanttary oqytylýynyń uıymdastyrylýyn tekserdi.

Batys óńirine sapary sheńberinde Mınıstr QR Áýe qorǵanysy kúshteriniń Áskerı ınstıtýtyna bardy. Onda jumysty ári qaraı sapaly uıymdastyrý jáne ınstıtýttyń ınfraqurylymyn damytý jóninde basshylyqqa birqatar tapsyrmalar júktedi. Vedomstvo basshysyna oqý ushýlaryna, joǵary pılotajdy fıgýralardy oryndaý jáne planerlerdi tirkep súıreýge arnalǵan eki oryndyq, bir qozǵalmaly «Zlin-242L» ushaqtary kórsetildi.

Odan basqa, Aqtóbe qalasynda QR Qorǵanys mınıstri 30238 áskerı bóliminiń kúndelikti qyzmetiniń uıymdastyrylýyn tekserdi.