QR QK Joǵarǵy Bas Qolbasshysynyń júldesi úshin áskerı-patrıottyq ánder baıqaýy bastalady
Baıqaýdyń negizgi maqsaty qazaqstandyq avtorlar men kompozıtorlardyń áskerı-patrıottyq ánderin nasıhattaý, QR Qarýly Kúshteri týraly áskerı-patrıottyq ánderdiń sanyn ulǵaıtyp, sapasyn arttyrý bolyp tabylady.
Atalmysh joba kompozıtorlar jáne jazýshylar odaǵymen birlese kásibı deńgeıde ótkiziletinimen erekshelenedi.
Ádilqazylar alqasynyń quramyna QR Qorǵanys mınıstriniń buıryǵymen bekitilgen Qorǵanys mınıstrliginiń, jazýshylar odaǵynyń, kompozıtorlar odaǵynyń ókilderi kiredi.
Baıqaýda joǵary oryndaýshylyq sheberligine, janrlyq erekshelikterge, sapaly deńgeıge jáne taqyryp tańdaýdaǵy ózgeshelikke, avtordyń shyǵarmashylyq sheberligine baǵa beriledi.
Baıqaý «Otan qorǵaýshynyń oń beınesin aıshyqtaı túsetin QR QK týraly ımıdjdik ánder» jáne «Saptyq pen ásker túrleri jáne tekteri boıynsha ánder» atty eki atalym boıynsha eki jylda bir ret ótkiziletin bolady.
Shyǵarmashylyq saıysqa sý jańa, ózgeshe, budan buryn esh jerde jarııalanbaǵan jáne oryndalmaǵan týyndy usynǵan avtorlar qatysa alady.
Alǵashqy nomınatsııadaǵy bas júlde QR QK Joǵarǵy Bas Qolbasshysynyń júldesi, ekinshi atalymda 1, 2, 3-oryn jeńimpazdaryn marapattaıdy.Konkýrsqa qatysý úshin qujattardy 2016 jylǵy 25 qazanǵa deıin joldaý qajet.