QR QK qyzmettik ıtteri Reseıdegi «Adal dos» baıqaýynda sátti óner kórsetti (FOTO)
Birinshi kezeńde kınologtarymyz ben olardyń tórt aıaqty kómekshileri Belarýstiń komandasynan oza shaýyp jáne Qytaı men Reseıdiń ókilderine jol berip, úshinshi oryndy enshiledi dep habarlaıdy QR Qorǵanys mınıstrliginiń baspasóz qyzmeti. «Kınolog - qyzmettik ıt» jubynda olar 800 metrden tórt aınalymdaǵy qashyqtyqtan ótti jáne oq atýdy oryndady. Bizdiń komanda senimdi qadam men alǵashqy nátıjelerge kóńili kónship otyr. Alaıda, bul synaqtyń sońy emes. Kınologtar men tórt aıaqty «jaýyngerlerge» qyzmettik mindetterdi, ıaǵnı, ustaý, tekserý jáne buzaqordy aıdaýyldaýdy oryndaýda ózderiniń artyqshylyqtaryn, sondaı-aq, kedergiler jolaǵynan ótýde dene daıarlyqtaryn dáleldeýge týra keledi. QR QK Áskerı polıtsııasy bas basqarmasynda atap ótkendeı, baıqaýǵa qatysý úshin qyzmettik ıtterdi daıyndaý kezinde malınýa jáne nemis ovcharkasy tuqymdas ıtterge basymdyq berildi. «Adal dos» - janýarlar qatystyrylatyn Armııa halyqaralyq oıyndary-2016-nyń birden-bir saıysy. Uıymdastyrýshylardyń baǵasy boıynsha barlyq qatysýshylar laıyqty túrde synaqtardan ótip, joǵary kásipqoılyqtaryn rastaýda. Áskerı kınologtardyń alǵashqy halyqaralyq baıqaýyna barlyǵy shyǵys-eýropalyq, nemis jáne belgııalyq ovcharka úsh tuqymdas 25 qyzmettik ıtpen birge 50 áskerı qyzmetshi qatysýda.