QR QK desanttyq-shabýyldaý áskerleriniń oqý-jattyǵýy ótip jatyr

ASTANA. QazAqparat - 2016 jylǵy 7 qarashada Elbasy - QR QK Joǵarǵy Bas Qolbasshysy Nursultan Nazarbaevtyń tapsyrmasy boıynsha QR Qorǵanys mınıstri QR QK desanttyq-shabýyldaý áskerleri men Áýe qorǵanysy kúshteriniń áskerı bólimderin dabyl boıynsha kóterip, jaýyngerlik ázirliktiń joǵary dárejesine keltirdi, dep habarlaıdy Qorǵanys mınıstrliginiń baspasóz qyzmeti.

Qarýly Kúshterde QR QK desanttyq-shabýyldaý áskerlerimen kenetten oqý-jattyǵý bastaldy. Tekseris sheńberinde lekterdiń qurylý aýdanyna áskerı tehnıkanyń shyǵýy júzege asyryldy. Áskerler áskerı polıgondarǵa uzaq qashyqtyqqa quramdastyrylǵan tásilmen joryqqa shyǵady. Oqý-jattyǵýǵa 5000-ǵa jýyq áskerı qyzmetshi, shamamen 500 birlik qarý-jaraq pen áskerı tehnıka, 20-dan asa birlik ushaq pen tikushaq tartyldy. Oqý-jattyǵýdyń negizgi maqsaty arnaıy áskerı operatsııany daıyndaý jáne júrgizý, ásker tekteriniń bólimderi men quramalary arasyndaǵy túraralyq ózara is-qımyldy uıymdastyrý, sondaı-aq, arnaıy áskerı operatsııany júrgizý amaldary men tásilderin jetildirý jóninde tapsyrmalardy oryndaýǵa basqarý organy men áskerlerdiń jaı-kúıin tekserý bolyp tabylady.

 Oqý-jattyǵý 11 qarashaǵa deıin jalǵasady.