QR QK áskerı qyzmetshilerine arnalǵan 150-den asa páter paıdalanýǵa berildi
Onyń ishinde 42 páter Aqmol kentindegi 60 páter Sheńgeldi kentinde jáne 52 páter Gvardeısk kentindegi áskerı bólimderde qyzmet ótkerip jatqan áskerı qyzmetshilerge tapsyryldy, dep habarlaıdy QR QM baspasóz qyzmeti. Kúrdeli jóndeýden keıin turǵyn úılerde barlyq terezeler men esikter, jabyn jáne ınjenerlik toraptar tolyq aýystyryldy, qasbet jóndeldi. Ótken on aı ishinde paıdalanýǵa tapsyrylǵan baspananyń jalpy aýdany shamamen 21 367 sharshy metrdi quraıdy. Kúrdeli jóndeý Qazaqstannyń áskerı qyzmetshilerin turǵyn úımen qamtamasyz etý júıesiniń bóligi bolyp tabylady. Ol áskerı qyzmetshilerdi áleýmettik qoldaý jáne turmystyq jaǵdaılaryn jaqsartý maqsatynda baspana salý jáne daıyn turǵyn úı satyp alýmen qatar júzege asyrylady. Sońǵy bes jyl ishinde 2009 jyldan bastap 2014 jylǵa deıin Qazaqstannyń ártúrli qalalary men óńirlerinde áskerı qyzmetshiler úshin 6 336 páter, onyń ishinde 273 páterden turatyn 201 jekejaı paıdalanýǵa berilgenin aıta ketken jón.