QR QK áskerı qyzmetshileri Qazaqstan armııasynyń eń iri áskerı paradyna daıyndyq ústinde (FOTO)
20:33, 27 Aqpan 2015
ASTANA. QazAqparat - Qazaqstandyq áskerı qyzmetshiler Uly Otan soǵysyndaǵy Jeńistiń 70 jyldyǵyna arnalǵan áskerı paradqa daıarlyqqa kirisip ketti. Bul týraly QR Qorǵanys mınıstrliginiń baspasóz qyzmetinen habarlady.
2005, 2009, 2011 jáne 2014 jyldary elimizde áskerı paradtar ótti. Byltyrǵy jyly saltanatty paradqa barlyq ásker túrleri men tekteriniń, joǵarǵy áskerı oqý oryndarynyń 2 600-deı áskerı qyzmetshileri, jalpy sany 217 birlik áskerı tehnıka men 73 birlik avıatsııalyq tehnıka qatysty. Aldaǵy parad memleketimizde burynǵy ótken áskerı paradtardyń eń irisi bolatyn jóninde aıtylýda. Búgingi kúnniń ózinde eki ese kóp jeke qurammen jumys isteý jáne QR Qarýly Kúshteriniń zamanaýı turǵydaǵy áskerı tehnıkalarymen birge, Uly Otan soǵysy jyldaryndaǵy qarý-jaraqtarmen armııany tanystyrý josparlanyp otyr.