QR Kásipodaqtary eńbek qatynastarynyń jańa úlgisi qurylatynyna senedi

ASTANA. QazAqparat - Jańa shaqyrylymdaǵy Májilis depýtattary álemdik joǵary standarttarǵa saı keletin eńbek qatynastaryn jańa sıpatta qurýǵa yqpal etýi tıis. Bul týraly búgin Ortalyq kommýnıkatsııalar qyzmetinde ótken brıfıngte QR Kásipodaqtary federatsııasynyń tóraǵasy Ábilǵazy Qusaıynov málim etti.

«Álemdik ekonomıkalyq daǵdarys jaǵdaıynda Parlament jumysy otandyq ekonomıkanyń básekege qabilettiligin damytýdyń jańa vektoryn qalyptastyryp, álemdik joǵary standarttarǵa saı keletin eńbek qatynastarynyń jańa sıpatyn qurýǵa yqpal etedi. Parlament Májilisi depýtattarynyń jańa shaqyrylymyna barsha qazaqstandyqtardyń ıgiligi úshin taýsylmas kúsh-jiger men jemisti jumys tileımiz»,-dedi ol.

Sonymen qatar Á. Qusaıynov óz sózinde eki mıllıon adamdy biriktirip otyrǵan federatsııa atynan «Nur Otan» partııasyn saılaýdaǵy jeńisimen quttyqtady.

«Daǵdarysqa qarsy is-qımyldar kezeńinde qazaqstandyqtardyń tańdaýy bıliktiń zańnamalyq jáne ókiletti tarmaǵyna kezekti ret halyqtyń senimin naqtylap otyr. «Nur Otan» partııasynyń saılaýaldy naýqanynda usynylǵan bastamalary ulttyq birliktiń negizgi elementi retinde kórinis tapty», - dedi Á. Qusaıynov.