QR Kásipodaqtar federatsııasy eńbek ujymdaryn sabyrlylyqqa jáne tózimdilikke, al jumys berýshilerdi qyzmetkerleriniń problemalaryn der kezinde sheshýge shaqyrdy
Bul týraly Fedaratsııanyń 17 jeltoqsanda, senbi kúni BAQ-qa taratylǵan málimdemesinde aıtylǵan.
QazAqparat málimdemeniń tolyq mátinin taratady.
Qazaqstan Respýblıkasy Kásipodaqtar federatsııasynyń 2011 jylǵy 16 jeltoqsandaǵy Jańaózen qalasyndaǵy oqıǵalarǵa baılanysty
MÁLІMDEMESІ
Qazaqstan Respýblıkasynyń Kásipodaqtar federatsııasy Mańǵystaý oblysynyń Jańaózen qalasyndaǵy adam qurbandaryna ákep soqqan jappaı tártipsizdikterdi tereń qaıǵyrǵan sezimmen jáne alańdaýshylyqpen qabyldady.
Biz eńbek ujymdary men kásipodaq músheleri Konstıtýtsııaǵa jáne quqyq tártibine qarsy áreketterge qatyspaǵanyn málimdeımiz.
Tipti jappaı jumyssyzdyq jaılap, eńbekaqy men zeıtetaqylar tólenbegen aýyr jyldardyń ózinde kásipodaqtar men qyzmetkerler problemalardy zań aýqymynda jáne kelissózder jolymen sheship, mundaı zombylyq ádisterine eshýaqytta barmaǵan bolatyn.
Biz barlyq eńbek ujymdaryn, kásipodaq uıymdaryn, kásipodaq múshelerin tynyshtyq pen tózimdilik saqtap, memlekettegi beıbit tártip pen turaqtylyqty buzýǵa baǵyttalǵan arandatýshylyqqa, jalǵan aqparattar men sybystarǵa berilmeýge shaqyramyz.
Biz sondaı-aq jumys berýshilerge eńbek zańnamasyn jáne kelisimderdi, ujymdyq sharttardy saqtap, kelissózderden jaltarmaýǵa, qyzmetkerlerdiń problemalaryn baısaldy jáne der kezinde sheship otyrýǵa shaqyramyz.
Biz álemdik kásipodaqtar qoǵamdastyǵyn - Halyqaralyq kásipodaqtar konfereratsııasyn, jahandyq kásipodaq birlestikterin asyǵys qorytyndylar jáne málimdemeler jasamaýǵa shaqyramyz, Qazaqstanda Konstıtýtsııanyń 24-babyna sáıkes ereýilderdi qosa alǵanda ujymdyq eńbek daýlary olardy zańdarda belgilengen tártiptermen ruqsat etilgen tásildermen sheshiledi.
Jańaózen qalasyndaǵy oqıǵalarǵa tıisti quqyqtyq baǵa berilip, sharalar qabyldanatyn bolady.
Biz memlekettik organdardy Konstıtýtsııany jáne Qazaqstan Respýblıkasynyń zańdaryn qatań saqtap, azamattardyń qaýipsizdigin qamtamasyz etýge, zombylyqtar men tártipsizdikterge úndeıtin syrtqy jáne ishki qalypty jaǵdaıdy buzatyn elementterdiń áreketteriniń jolyn kesýge shaqyramyz.
Qazaqstan Respýblıkasynyń Kásipodaqtar federatsııasy quqyqtyq memleket bola otyryp, Qazaqstanda árbir azamat ózin qaýipsiz sezinýge jáne erteńgi kúnine senimdi bolýy úshin barlyq alǵysharttar bar dep málimdeıdi.
Astana, 2011 jylǵy 17 jeltoqsan.