QR Qarýly Kúshteriniń serjanttary óz biliktilikterin shyńdaýda

ASTANA. QazAqparat - 2016 jyldyń 5 qarashasynda Sh. Ýálıhanov atyndaǵy QR Qorǵanys mınıstrliginiń Kadet korpýsynda vzvod serjanttarynyń kezekti biliktilikti arttyrý kýrsy aıaqtaldy, dep habarlaıdy QR QAÓM baspasóz qyzmeti.

Kýrs taktıkalyq, atys, dene, ınjenerlik daıarlyq, áskerı topografııa, tehnıkalyq daıyndyq, sondaı-aq, bıylǵy jyly engizilgen qaýipsizdikti qamtamasyz etý men kóshbasshylyq sekildi pánder boıynsha biliktilikti arttyrýdy qarastyrady. QR Qarýly Kúshterindegi serjanttar quramyn oqytyp-úıretý úlgisine Qazaqstan Respýblıkasynyń ózge de áleýetti qurylymdary qyzyǵýshylyq bildirip otyr.

 

Sonymen, osy kýrsta bilim alǵan QR Memlekettik kúzet qyzmeti jáne Ulttyq qaýipsizdik komıteti Shekara qyzmetiniń áskerı qyzmetshilerimen ózara is-qımyl retke keltirildi.   

2016 jyl boıynsha Sh. Ýálıhanov atyndaǵy QR Qorǵanys mınıstrligi Kadet korpýsynyń bazasynda 400-ge jýyq serjant ártúrli kýrs boıynsha bilim alǵandaryn aıta keteıik.