QR Qarýly Kúshterinde TMD elderiniń І áskerı-sporttyq oıyndaryna arnalǵan úzdik áskerı qyzmetshilerdi irikteýde (FOTO)
Onyń qorytyndysy boıynsha áskerılendirilgen kópsaıysta, ofıtserlik úshsaıysta, tabeldik qarýdan atýda, armııalyq qoıan-qoltyq urysta jáne komandırler jarysy men gir ekisaıysynda eń myqty armııalyq sportshylar anyqtalatyn bolady. Bul týraly QR Qorǵanys mınıstrligniń baspasóz qyzmetinen habarlady.
Saıys Almatyda Qurlyq áskerleri Áskerı ınstıtýtynyń bazasynda ótip jatyr. Qatysýshylar barynsha tyrysyp baǵýda, sebebi, jeńimpazdardy erekshe mártebe, ıaǵnı Qazaqstan Qarýly Kúshterin TMD qatysýshy memleketter dostastyq armııasynyń alǵashqy áskerı-sporttyq oıyndarynda tanytý múmkindigi beriledi. Halyqaralyq jarys aǵymdaǵy jylǵy shildeniń 24-i men tamyzdyń 5-i aralyǵynda Máskeýde ótedi. Budan buryn 70-shi Bas assambleıa jáne Kýveıttegi armııalyq sporttyń búkilálemdik keńesi kongresinde reseı tarapymen kelissózder júrgizý barysynda QR QM AOSK ókilderi bizdiń 70 armııalyq sportshynyń jarysqa qatysatyny týraly nıet bildirdi.