QR Qarýly Kúshterinde serjanttarmen oqý-ádistemelik jıyndar ótýde

ASTANA. QazAqparat - Sh. Ýálıhanov atyndaǵy QR QM Kadet korpýsynyń 180-nen asa túlegi ári qaraı qyzmet atqarý úshin QR QK Qurlyq áskerleriniń quramalary men bólimderin tolyqtyrýda, dep habarlaıdy QR QM baspasóz qyzmeti.

Serjanttar QR QK Aeroutqyr áskerlerine, «Ońtústik», «Batys» óńirlik qolbasshylyqtaryna, sondaı-aq, 30212 áskerı bólimine keldi.

Jıynnyń maqsaty jaýyngerlik daıarlyq boıynsha sabaqtardy ótkizý men áskerlerdiń kúndelikti tynys-tirshiliginiń kún saıynǵy is-sharalaryn ótkizý, tapsyrylǵan jumys ýchaskesine jas serjanttardyń jaýapkershilik sezimin damytý jáne arttyrý, áskerı tártipti ustap turý, áskerı qyzmetshiler arasyndaǵy ózara qarym-qatynas kezinde baǵynystylardy daıyndaý jáne basqarý úshin qajetti daǵdy men ádistemege oqytyp-úıretý bolyp tabylady.

Jıyn barysynda jas serjanttarmen áýe-desanttyq jáne áskerı-ınjenerlik daıarlyq, artıllerııalyq zeńbirek komandırlerin, teńiz jaıaý áskerleri men basqalardy daıyndaý jóninde sabaqtar ótkizedi. Komandalyq quramdaǵy serjanttar laýazymyna jańadan taǵaıyndalǵan áskerı qyzmetshilerge «Tálimgerlik» ádisi qoldanylady. Bul ózara senimdilik pen qurmet negizindegi kásibı deńgeıdi, kóshbasshylyq jáne jeke qasıetterdi damytýǵa yqpal etetin erkin túrdegi mindetteme.