QR Qarýly Kúshterinde dene daıarlyǵynyń jańa jattyǵýy synamadan ótýde (FOTO)

ASTANA. QazAqparat - 61993 áskerı bóliminde «Іle» oqý-jattyǵý polıgonynyń bazasynda shtattyq qarýmen dalalyq kıim nysanynda 10 shaqyrymǵa júgirý jańa jattyǵýdyń biriniń synamasy ótkizildi. Onyń barysynda áskerı qyzmetshiler joǵary nátıjeler kórsetti. Bul týraly QR Qorǵanys mınıstrliginiń baspasóz qyzmetinen habarlady.

Qazaqstan Respýblıkasy Qarýly Kúshteri dene daıarlyǵynyń jańa tálimdemesi QR Qorǵanys mınıstrliginiń Sport komıtetimen ázirlendi.

Búgingi tańda Qarýly Kúshterde kúshtik jattyǵýlardy (beltemirge tartylý, beltemirge kúshpen kóterilý), dalalyq kıim úlgisinde 100 jáne 3000 metrge júgirýdi synamadan ótkizý jalǵasýda. Burynǵy tálimdemege sáıkes atalǵan jattyǵýlardy áskerı qyzmetshiler sporttyq kıim úlgisinde oryndaǵan bolatyn. Jańa tálimdeme sheńberinde barlyq jas erekshelikteri toby úshin beltemirge tartylý, 60 jáne 1000 metrge júgirý, jerge qoldy tirep qoldy maıystyrý jáne jazý, 5 shaqyrymdyq shańǵy jarysy, sondaı-aq erkin stılde 100 metrge júzý sekildi bazalyq jattyǵýlar bar. Jańa jattyǵýlardyń arasynda 60 jáne 400 metrge júgirý, áskerı kıim nysanynda uzyndyqqa súńgý, sondaı-aq shtattyq qarýmen áskerı kıimde 10 shaqyrymǵa júgirý. Sondaı-aq áıel áskerı qyzmetshiler úshin sekirtpede sekirý jáne ornynan qashyqtyqqa sekirý úshin jattyǵýlar qosyldy.

QR Qarýly Kúshteriniń ofıtserleri men kelisimshart boıynsha áskerı qyzmetshileri udaıy negizde prezıdenttik testiler, aı saıyn dene daıarlyǵy boıynsha normatıvter tapsyryp, al jyldyń sońynda qorytyndy tekseriste ózderiniń kórsetkishterin rastaıtynyn aıta ketken jón.