QR Qarýly Kúshterinde baılanysqa arnalǵan mashınalardy jetildirdi (FOTO)

ASTANA. QazAqparat - QR Qarýly Kúshterinde Baılanys bas basqarmasynyń muqtajdyǵy úshin baılanys bólimshelerine arnalǵan komandalyq-shtabtyq mashınalar jańǵyrtyldy, dep habarlady QR Qorǵanys mınıstrliginiń baspasóz qyzmetinen.

«Qazaqstan ınjınırıng» UK» AQ-tyń enshiles kásiporny S.M. Kırov atyndaǵy zaýyttyń tehnıkalyq mamandary KAMAZ avtomobıliniń bazasynda R-142N1 komandalyq-shtabtyq mashınalaryn jańǵyrtý jónindegi qurastyrý-tehnologııalyq qujattamany ázirledi.
Zaýyt mamandarymen zaýyttyq jáne áskerı synamalardan sátti ótken ishki baılanys apparatýrasy men mashına kommýtatsııasy ázirlendi.
Apparatýra basqarý blogyn, radıst blogy jáne abonentterdiń bloktaryn qamtıdy.
Komandalyq-shtabtyq mashına turaqta jáne qozǵalysta baılanysty, radıoarnalar boıynsha aqparattyń (daýys jáne derekter) taratylýyn qamtamasyz etedi, 500 metrge deıin uzyndyqta jeli boıynsha radıostantsııalardy qashyqtyqtan basqarýǵa múmkindik beredi.
Radıostantsııalardyń GPS-qabyldaǵyshtary óziniń ornalasý ornynyń koordınatalaryn avtomatty túrde anyqtaýǵa múmkindik beredi.
Qarýly Kúshterdegi baılanys áskerlerdi basqarý múddesinde aqparat almasýdy júzege asyrýǵa múmkindik týǵyzady. Baılanystyń basty mindeti - qolbasshylarǵa (komandırlerge) jáne shtabtarǵa kez-kelgen jaǵdaıda áskerlerdi úzdiksiz basqarý múmkindigin qamtamasyz etý, áskerlerge belgini ýaqtyly taratý.
Áskerı baılanysqa qoıylatyn negizgi talaptar ol ony ýaqtyly ornatý, jumys senimdiligi, is-qımyl shapshańdylyǵy.