QR Qarýly Kúshterinde áskerı qyzmetshiler arasynda dene daıarlyǵy baǵdarlamasy boıynsha sabaqtar bastaldy
Bul týraly QR Qorǵanys mınıstrliginiń baspasóz qyzmetinen habarlady.
Vedomstvo aqparatyna sáıkes, sabaqtar áskerı-qoldanbaly júzý, shapshań qozǵalý, shańǵy daıyndyǵy, gımnastıka, sporttyq jáne shıraqtylyqty qajet etetin oıyndar men qoıan-qoltyq urys boıynsha «Astana arena», «Qazaqstan» jáne «Alataý» sporttyq keshenderiniń sporttyq bazasynda uıymdastyrylýda. Odan basqa, áskerı qyzmetshilerdiń dene daıarlyǵyna qoıylatyn talaptar kúsheıtildi. Ótken jyldan bastap jańa jas erekshelik toptary qosyldy. Eger buryn áskerı qyzmetshilerdiń dene daıarlyǵy boıynsha sabaqtar men normatıvterdi tapsyrý 45 jasty qurasa, qazir barlyq jeke quram tartylǵan. Bir sózben aıtqanda, áskerı qyzmetshi «sap túzep» turǵansha, ol óziniń jas ereksheligi toby aıasynda mindetti túrde sportpen shuǵyldanyp, óziniń dene pishinin bir qalypta ustap turýy tıis.