QR Qarýly Kúshterinde 15 myńnan asa áskerı qyzmetshi memlekettik tildi meńgerip jatyr (FOTO)
«Jyl saıyn sany ózgerip turatynyn aıta keteıik. Sebebi, áskerı qyzmetshiler bir deńgeıden basqa deńgeıge kóship otyrady, al tereńdetilgen kýrstan ótkender oqyp, úırenýdi aıaqtaıdy. Daıyndyq úsh deńgeı boıynsha ótkiziledi. Bastaýysh, jalǵastyrýshy jáne tereńdetilgen. 2015 oqý jylynyń qorytyndysy boıynsha QR Qorǵanys mınıstrliginiń Ortalyq apparaty men QR QK Bas shtaby bólimsheleriniń 139 áskerı qyzmetshisi men azamattyq personaly 2015 jyly qazaq tilin oqyp, úırendi. Onyń 125-i emtıhan tapsyrdy. «Qazaq tilin úırený áskerı qyzmetshi úshin jáne Qazaqstannyń kez kelgen azamaty úshin óte mańyzdy. Biz kún saıyn qazaq tilinde qyzmettik qujattar ázirleımiz, memlekettik organdarmen hat jazysamyz. Bul kásibı daǵdymyzdy arttyrý úshin jaqsy múmkindik», - dedi QR Qorǵanys mınıstrliginiń áskerı qyzmetshisi, qatardaǵy jaýynger Esenııa Markshteder. Memlekettik tildi oqytý ofıtserler men qyzmetkerlerdi ǵana emes, sonymen birge QR Qarýly Kúshteriniń basshylyq jáne komandalyq quramyn qamtıdy. Osy jyly joǵary ofıtserlik quramnyń 337 ókili memlekettik tilden synaq tapsyrdy. Onyń qorytyndysy boıynsha emtıhan tapsyrǵandardyń 82%-y óz bilimderin rastady. Memlekettik tildi damytý, QR QK áskerı qyzmetshileri arasynda qazaqstandyq patrıotızmdi nyǵaıtý tárbıe-ıdeologııalyq jumysta mańyzdy element bolyp tabylatynyn aıta keteıik. Sonymen, jyl saıyn Qorǵanys mınıstrligi áskerı qyzmetshiler arasynda memlekettik tildi bilý boıynsha «Til - tatýlyq tiregi» onkúndigin, «Til sheberi» festıvalin ótkizip turady. QR Qorǵanys mınıstrliginiń komandasy áskerı qyzmetshiler, quqyq qorǵaý jáne arnaıy organdardyń qyzmetkerleri arasynda ótken «Til - tutastyq kepili» atty respýblıkalyq baıqaýdyń bas júldesin jeńip aldy.