QR Qarýly Kúshterde taktıkalyq-saptyq sabaqtar ótýde

NUR-SULTAN. QazAqparat – Áskerı quramalar men bólimderde, áskerı oqý polıgondarynda jańa oqý jylynyń bastalýy sheńberinde áskerı qyzmetshilermen jaýyngerlik daıarlyq boıynsha taktıkalyq-saptyq sabaqtar ótkiziledi.

Ol QR QK habardar etý júıesin tekserý, jaýyngerlik ázirlikti joǵarǵy deńgeıge keltirgende jáne bólimshelerdiń arnalǵan tapsyrmalardy oryndaý kezindegi áskerlerdi basqarý organdarynyń úılesimdiligin arttyrý maqsatynda uıymdastyrylǵan. Máselen, baılanys bólimsheleri úshin – barlyq baılanys túrlerin jolǵa qoıý men qamtamasyz etý bolyp tabylady.

Taktıkalyq-saptyq sabaqtar Qarýly Kúshterdiń barlyq jeke quramyn qamtıdy jáne joǵary jaýyngerlik ázirlikti qoldaýdyń mańyzdy quramdas bóligi bolyp tabylady.

Áskerde «Jaýyngerlik daıarlyq aptasy» dabyl sıgnalymen kóterýden bastalady, bul ásker túrleri men tekteri, bólimderi men bólimsheleriniń, óńirlik qolbasshylyqtardyń naqty jaýyngerlik daıyndyǵyn, qabiletin tekserýge, qoıylǵan mindetti belgilengen merzimde oryndaýǵa múmkindik beredi. Barlyq deńgeıdegi komandırler jeke quramnyń daıyndyǵyn, senip tapsyrylǵan bólimshelerdiń is-qımyldarynyń naqty algorıtminiń úılesimdiligin jáne saqtalýyn baǵalaı alady.

«Batys» óńirlik qolbasshylyǵynyń áskerı bólimderi jańa oqý jylyna muqııat daıyndaldy. Jańa oqý jylynda Qorǵanys mınıstriniń, qurlyq áskerleriniń Bas qolbasshysynyń qoıǵan naqty mindetteri bar. Negizgi baǵyt – iri aýqymdy oqý-jattyǵýlar men halyqaralyq áskerı oıyndarǵa daıyndyq», – dep atap ótti «Batys» óńirlik qolbasshylyǵy áskerleriniń qolbasshysy polkovnık Nurlan Aldııarov.

Áskerı daıyndyq aptasy aıaqtalǵannan keıin áskerı qyzmetshiler mamandyq boıynsha daıarlyqqa kirisedi.