«QR ІT-menedjerler qaýymdastyǵy» qoǵamdyq birlestigi qurylmaq
Іs-shara barysynda uıymdastyrý komıtetiniń teń tóraǵalary otandyq kásiporyndardy damytýdaǵy ІT-menedjerlerdiń joǵary rólin, naryqta kásibı IT-menedjerler men bilikti mamandardyń qajettiligi jóninde sóz qozǵady.
«Bul qaýymdastyq IT jetekshilerdiń ózara tájirıbe almasýyna jáne bilim salasyna da óz paıdasyn tıgizedi. Qazirgi kezde elimizdiń ekonomıkasyn órletýge IT mamandaryna degen qajettilik úlken», - deıdi «Qazposhta» AQ basqarma tóraǵasynyń orynbasary Asqar Qusaıynov.
«Qazaqstan Respýblıkasynyń ІT-menedjerler qaýymdastyǵy» qoǵamdyq birlestigin qurýdaǵy negizigi maqsat - elimizdegi ІT jetekshiler men mamandardyń quzyrettiligin arttyrýǵa degen yqylas», - dep atap ótti óz sózinde «Zerde» holdıngi» AQ basqarma tóraǵasynyń orynbasary Bıkesh Qurmanǵalıeva.
Qazirgi tańda Reseı, Ýkraına, Belorýs sııaqty memleketterde IT-menedjerler qaýymdastyǵy iri, shaǵyn jáne orta bıznes kásiporyndarynda eń zamanaýı aqparattyq júıeler men tehnologııalardy engizýde jáne IT-menedjerlerdiń quzirettiligin halyqaralyq deńgeıge jetkizýde qozǵaýshy kúshke aınalyp otyr.
Qazaqstanda osyndaı qaýymdastyqty qurý qazaqstandyq ІT-menedjerlerdiń ózge elderdiń tıisti qaýymdastyqtarymen tájirıbe almasý maqsatynda birigýine múmkindik bermek.
Atalǵan jıynǵa uıymdastyrý komıtetiniń teń tóraǵalary «Zerde» holdıngi» AQ basqarma tóraǵasynyń orynbasary Bıkesh Qurmanǵalıeva, QBTÝ vıtse-rektory Fýad Gadjıev, «Qazposhta» AQ basqarma tóraǵasynyń orynbasary Asqar Qusaıynov, sonymen qatar K'Cell kompanııasynyń ІT qoldaý sektorynyń basshysy qatysty.