QR Іshki ister mınıstri ishki ister organdary qatarynda jumys istegen UOS ardagerlerin marapattady
Jeńistiń 65 jyldyǵyna arnalǵan saltanatty sharaǵa soǵystan keıingi jyldary soldat shınelin mılıtsııa mýndırine aýystyrǵan Uly Otan soǵysynyń ardagerleri men tyl eńbekkerleri shaqyryldy.
Mınıstr óz sózinde jaýynger-ardagerler men tyl eńbekkerlerin jalpyhalyqtyq jeńiske qosqan úlesteri úshin, soǵystan keıingi uzaq jyldarǵy jáne qylmyspen kúresý jolynda aıanbaı etken eńbekteri úshin sheksiz alǵysyn bildirdi.
«Qazaqstandyqtar aǵa býynnyń janqııarlyq erligin árdaıym este saqtaıdy. Surapyl soǵys jyldarynda ata-babalarymyz kórsetken batyrlyq Otanǵa degen sheksiz adaldyqtyń, shynaıy aıbyndylyqtyń, otansúıgishtik pen erjúrektiliktiń aıryqsha úlgisine aınaldy. Búgingi tańda ishki ister organdarynyń qyzmetkerleri qylmysqa qarsy kúresý, quqyqtyq tártipti qamtamasyz etý, azamattardyń konstıtýtsııalyq quqyqtary men bostandyqtaryn qylmystyq qol suǵýshylyqtan qorǵaý jónindegi qyzmetti abyroımen atqara otyryp, aǵa urpaqtyń aıtýly isteri men ıgi dástúrlerin laıyqty jalǵastyryp keledi» - dedi vedomstvo basshysy.
Sondaı-aq ol, Prezıdenttiń Qazaqstan halqyna arnaǵan Joldaýynda aǵa býynǵa, UOS ardagerlerine qamqorlyq kórsetý - basymdyqty másele retinde kórsetilgenin tilge tıek ete kele: «Memleket basshysynyń tapsyrmasy boıynsha, Sizder mereıtoılyq medalmen marapattaldyńyzdar, Sizderge 65 myń teńge mólsherinde bir jolǵy járdemaqy tólenetin boldy. Polıtsııa qyzmetkerleri men ishki áskerlerdiń áskerı qyzmetshileri jınaǵan qarajattan árqaısyńyzǵa 55 myń teńge berildi. Uly Otan soǵysyna qatysýshylarǵa teńestirilgen, soǵysta qaza tapqan áskerı qyzmetshilerdiń jubaılaryna, tyl eńbekkerlerine de materıaldyq kómek kórsetiletin bolady», - dedi S.Baımaǵanbetov.
Mınıstr saltanatty rásimge qatysqan barlyq 200-den astam ardagerge Jeńistiń 65 jyldyǵyna arnap shyǵarylǵan mereıtoılyq medaldardy tabys etti.