QR Investıtsııalar jáne damý mınıstri Ulttyq ǵarysh ortalyǵymen tanysty
Mınıstrmen birge ǵarysh ınfraqurylymy nysanyna mınıstrdiń birinshi orynbasary Albert Raý jáne QR IDM jaýapty hatshysy Zamır Saǵynov keldi.
Mınıstrlik delegatsııasyn IDM Aeroǵarysh komıtetiniń tóraǵasy mindetin atqarýshy Erkin Shaımaǵambetov pen Qazǵarysh tóraǵasynyń orynbasary Meıirbek Moldabekov alyp júrdi.
«Qazaqstan Ǵarysh Sapary» UK» AQ prezıdenti mindetin atqarýshy Marat Nurǵojın QR IDM basshylyǵyna qoldanystaǵy JQZ (jerdi qashyqtyqtan zondtaý) jerústi ǵarysh júıeleri, joǵary dáldiktegi spýtnıktik navıgatsııa júıeleri, ǵarysh kemelerin qurastyrý-synaý keshenderi bar jáne 30 gektar jerdegi ózge de óndiristik mekemeleri, ákimshilik jáne turǵyn úı aýmaǵy bar ǵarysh ortalyǵynyń maketin kórsetti.
JQZ (jerdi qashyqtyqtan zondtaý) ortalyǵynda qonaqtarǵa KazEOSat-1 jáne KazEOSat-2 ǵarysh kemeleriniń Jerge ǵaryshtyq monıtorıng jasaý jumysy kórsetildi. Kompanııa mamandary ǵarysh sýretterin alý jáne óńdeý tehnologııalary, QR JQZ ǴJ qyzmeti men ónimderin el ekonomıkasy úshin paıdalaný múmkindikteri týraly áńgimeledi.
«Ǵalam» birlesken kásipornynyń dırektory Baýbek Oralmaǵambetov tanystyrǵan kabeldik óndiris aýmaǵy qonaqtardyń qyzyǵýshylyǵyn týdyrdy.
QR IDM basshylyǵyna ǵarysh apparattarynyń komponentterin qurastyratyn eń mańyzdy bólmeni kórsetti. Ǵarysh tehnıkasyn qurastyrý men jobalaý jumystarynyń tolyq óndiristik tsıkly arnaıy tehnologııalyq bıýronyń 3D prıntıng aýmaǵynda kórsetildi.
Ulttyq ǵarysh ortalyǵyna jumys saparynyń sońynda mınıstr J.Qasymbek «Qazaqstan Ǵarysh Sapary» UK» AQ aınalysatyn barlyq negizgi jobalardyń qoldaýǵa ıe bolatynyn aıtty. «Elimizde ǵarysh salasyn qurý týraly memleket basshysynyń tapsyrmasy oryndalý kerek. Búgingi basty mindetimiz - ǵarysh apparattaryn qurastyrý-synaqtan ótkizý keshenin jasaý», - dedi mınıstr.