QR ındýstrııalandyrý memlekettik baǵdarlamasy boıynsha 13 elektrenergetıka jobasy iske asyrylady
Memleket basshysy Nursultan Nazarbaev bastamasymen júzege asyrylyp jatqan Jańa ındýstrııalandyrý memlekettik baǵdarlamasy sheńberinde osy máseleni sheshýge arnalǵan birneshe júz jobany iske qosý qarastyrylýda.
El Prezıdenti Úkimetke jańa ındýstrııalyq saıasat basymdyqtarynyń biri retinde energetıkany damytýdy tapsyrdy. Úkimet energetıka salasynyń jaǵdaıyna yqpal etetin qadamdar keshenin qabyldady jáne iske asyrýda.
Jańa ındýstrııalandyrý memlekettik baǵdarlamasy boıynsha 13 elektrenergetıka jobasy iske asyrylady, olardyń toǵyzy jalpy qýattylyǵy 3200 MVt astam energııa óndirýshi kásiporyndardy salýǵa baǵyttalǵan.
«Óziniń qarqyndy damý kezeńinde bizdiń ekonomıkamyz ınfraqurylym boıynsha turalap qaldy. Sol sebepti qazir bizde osy sátti paıdalanyp, ary qaraı ekonomıkalyq ósý úshin qajettiniń bárin daıyndaýǵa múmkindigimiz bar», - dep atap ótti Prezıdent Nursultan Nazarbaev.
Qazirgi ýaqytta birqatar energonysandar paıdalanýǵa berildi. Olardyń jalpy qýattylyǵy 1341 MVt quraıdy. Olar Atyraý JES, Oral qalasyndaǵy gaztýrbınalyq elektr stantsııalary men Aqshabulaq ken oryndarynyń jańa qýattary, Aqsý GRES-da №2 blok pen Ekibastuz GRES-1 segizinshi energoblogy qalpyna keltirildi.
Sonymen birge, Almaty qalasy men Almaty oblysynda transformatorlyq shaǵyn beketteri, Moınaq GES, «Alma» 500 kV shaǵyn beketi salyndy. Ekibastuz GRES-2 úshinshi energoblogy boıynsha qurylys jobasy, Shardara GES men Ulttyq elektr jelisin jańǵyrtý jobalary qarqyndy júzege asyrylýda.