QR Indýstrııa mınıstrliginiń elektrondy jolmen kórsetetin qyzmetteri 96% jetti

NUR-SULTAN. QazAqparat – QR Indýstrııa jáne ınfraqurylymdyq damý mınıstrliginde qaǵaz kúıinde kórsetiletin memlekettik qyzmetter sany 2,5 esege qysqardy.

Bul týraly mınıstrliktiń alqa otyrysynda QR Indýstrııa jáne ınfraqurylymdyq damý vıtse-mınıstri Dınara Şeglova málim etti, dep habarlaıdy QazAqparat.

2020 jyly mınıstrlik 271 506 memlekettik qyzmet kórsetti. Onyń ishinde 264 886-sy elektrondyq túrde nemese 97,5% kórsetildi. 2019 jylmen salystyrǵanda qaǵaz túrindegi qyzmetter sany 2,5 esege, atap aıtqanda 16 myńnan 6 myńǵa deıin qysqardy.

Qazindustry portalynda iske qosylǵan 11 memlekettik qyzmetti avtomattandyrý boıynsha tehnıkalyq jumystar (azamattyq avıatsııa, qurylys jáne turǵyn úı-kommýnaldyq sharýashylyǵy, kólik, jer qoınaýyn paıdalaný, ındýstrııalyq damý salalarynda), sondaı-aq 5 memlekettik qoldaý sharasy aıaqtaldy.

Nátıjesinde mınıstrlik memlekettik qyzmetterdiń 96% (116-dan 112) elektrondyq túrde kórsetedi.