QR Indýstrııa mınıstrligi paıdalanylmaıtyn áskerı múlikti satady
Nurlan Ermekbaev qarý-jaraqtyń saqtalý jaǵdaılaryna, áskerı tehnıkany kúzetýdiń uıymdastyrylý tártibine, órtke qarsy jáne dıversııaǵa qarsy qaýipsizdiktiń jaı-kúıine erekshe nazar aýdardy.
Budan ózge, Qorǵanys mınıstri Almaty garnızonyndaǵy saqtaý bazasynda áskerı ınfraqurylym nysandarynyń salyný barysymen, sondaı-aq uzaq ýaqytqa saqtaýǵa qoıylǵan tehnıkany jóndeıtin jáne qyzmet kórsetetin tsehtyń jumysymen tanysty.
Gvardeısk garnızonynda qorǵanys vedomstvosynyń basshysy brondy tank tehnıkasyna aǵymdyq jáne ortasha jóndeý júrgiziletin qoımalar men saqtaý alańdaryn, tsehtyń jumysyn qarap shyqty.
Sondaı-aq, saqtaý bazalarynyń komandırleri Qorǵanys mınıstrine paıdalanylmaıtyn áskerı múlikti esepten shyǵarý, baǵalaý jáne odan ári ýákiletti organǵa berý jónindegi jumys týraly esepterin usyndy.
«Paıdanylmaıtyn áskerı múlik jónindegi máseleni sheshý qorǵanys vedomstvosy jumysynyń mańyzdy baǵyty sanalady. Qarýly Kúshterde paıdalaný merzimi ótken jáne paıdalanýǵa jaramsyz keńes zamanynan bergi materıaldyq zattar saqtalýda.
Uzaq jyldar ishinde alǵash ret Qorǵanys mınıstrligi kóp jylǵa saqtaýǵa qoıylǵan áskerı tehnıkaǵa tolyq túgendeý jáne suryptaý júrgizdi. Budan ári qoldanýǵa jáne jóndeýge jaramdy tehnıka Qarýly Kúshter balansynda qaldyryldy. Paıdalanýǵa jaramsyzdary – esepten shyǵarylyp, ýákiletti organnyń vedomstvolyq uıymdaryna (IIDM) beriledi», - delingen QR QM aqparatynda.
Ýákiletti organ – QR Indýstrııa jáne ınfraqurylymdyq damý mınıstrliginiń vedomstvolyq uıymdary paıdalanylmaıtyn áskerı múlikti kádege jaratady nemese balanstyq quny boıynsha satady.
«Qazirgi ýaqytta Qorǵanys mınıstrliginde ýákiletti organnyń vedomstvolyq uıymdaryna (IIDM) balanstyq quny 100 mıllıard teńgeden asatyn paıdalanylmaıtyn áskerı múlikti berý protsesi júrip jatyr. Bul múlikti satýdan túsken qarajat memleket bıýdjetin tolyqtyrady», - dep naqtylady qorǵanys vedomstvosynan.