QR ІІM TJK basshysynyń jańa orynbasary taǵaıyndaldy

ASTANA. QazAqparat - QR ІІM TJK tóraǵasy Bekker V.R. jeke quramǵa QR Іshki ister mınıstri, polıtsııa general-polkovnıgi Qalmuhambet Qasymovtyń 2016 jyldyń 10 aqpanyndaǵy burynǵy Qaraǵandy oblysy Tótenshe jaǵdaılar departamentiniń basshysy, azamattyq qorǵanys polkovnıgi Talǵat Nurmaǵambetovti Tótenshe jaǵdaılar komıteti basshysynyń orynbasary etip taǵaıyndaý týraly buıryǵyn tanystyrdy, dep habarlaıdy vedomstvo baspasóz qyzmeti.

Azamattyq qorǵanys polkovnıgi Talǵat Nurmaǵambetov 1965 jyly 24 mamyrda dúnıege kelgen.

1986 jyly ıÝ.V. Andropov atyndaǵy áýe qorǵanysy jónindegi Lenıngrad áskerı-saıası ýchılışesin támamdaǵan. 2004 jyly Pavlodar ýnıversıtetin «psıhologııa magıstri» mamandyǵy boıynsha bitirgen.

Qaraǵandy oblysy Tótenshe jaǵdaılar departamentiniń basshysy qyzmetine deıin T. Nurmaǵambetov Pavlodar oblysy boıynsha TJD basshysynyń orynbasary bolǵan.

Ol buǵan deıin rota komandıriniń orynbasary laýazymynan Qaraǵandy oblysy TJD basshysy qyzmetine deıingi eńbek jolyn júrip ótken.

T. Nurmaǵambetov Qazaqstanmen shekaralas Reseıdiń óńirlerimen TJ jáne AQ salasy boıynsha óńirlik kezdesýlerdi uıymdastyrýdyń, sondaı-aq qutqarýdyń qalalyq qyzmetteri men sýda-qutqarý qyzmetin uıymdastyrýdyń bastamashysy bolyp tabylady.

Aıta keteıik, jańa basshy «QSRO QK 70 jyl» medalimen, «Áskerı qyzmetindegi ereksheligi úshin» 2-shi dárejeli medalimen, «Qazaqstan Respýblıkasy Qarýly kúshterine 10 jyl», «Minsiz qyzmeti úshin» 2,3-shi dárejeli medaldarmen jáne Qazaqstan Respýblıkasy TJM qurmet gramotasymen marapattalǵan.