QR ІІM saılaý qarsańynda ótkizilgen «Quqyqtyq tártip» operatsııasyn qorytyndylady

ASTANA. QazAqparat - Merekelik is-sharalar qarsańynda qoǵamdyq qaýipsizdikti qamtamasyz etý maqsatynda ІІM 15-17 naýryz aralyǵynda «Quqyqtyq tártip» respýblıkalyq jedel-profılaktıkalyq is-sharasyn ótkizdi.

Qoǵamdyq tártipti saqtaýǵa 18 myńnan astam polıtsııa qyzmetkeri men áskerı qyzmetshi jumyldyryldy, – dep habarlaıdy Polisia.kz.

Jedel-profılaktıkalyq is-shara bastalǵaly qylmys deńgeıi men tirkelgen qylmystar sany azaıdy. Qoǵamdyq oryndarda jasalǵan qylmystar 11%-ǵa, onyń ishinde kóshede jasalǵan qylmystar 23%-ǵa tómendedi. Aldyn alý sharalaryna, qoǵamdyq tártipti jáne jol qaýipsizdigin qamtamasyz etý salasyndaǵy quqyq buzýshylyqtardy anyqtaýǵa jáne jolyn kesýge basa nazar aýdaryldy.

Polıtsııa organdaryna tyıym salynǵan zattardy saqtaǵany jáne alyp júrgeni úshin 540-tan astam adam jetkizildi. 14 myńnan astam ákimshilik quqyq buzýshylyq anyqtaldy, onyń ishinde 2 myńǵa jýyǵy qoǵamdyq oryndarda mas kúıinde paıda bolǵany úshin, 1,5 myńnan astamy usaq buzaqylyq jáne 700-ge jýyǵy tynyshtyqty buzǵany úshin ustaldy.

– Іshki ister organdarynyń baqylaýynda turǵan 15 myń adamnyń minez-qulqy men ómir saltyn baqylaý qamtamasyz etiledi. 380-nen astamy belgilengen shekteýlerdi jáne 140-tan astamy qorǵaý nusqamalaryn buzǵandary anyqtaldy. Shartty túrde merziminen buryn bosatylǵan adamdar tarapynan 90 jáne ákimshilik qadaǵalaýda turǵandar tarapynan 40 quqyq buzýshylyq anyqtaldy. Profılaktıkalyq aralaý barysynda tıisti rásimdeýsiz jalǵa beriletin 5 myńǵa jýyq páter anyqtaldy.

«Zańsyz» sanaty boıynsha esepte turǵan 62 adam anyqtaldy. Jol júrisin qadaǵalaý kezinde 900-ge jýyq jyldamdyq rejımin saqtamaý deregi, mas kúıinde kólikti basqarýdyń 120-dan astam, júrgizý kýáliginen aıyrylǵan júrgizýshilerdiń kólikti basqarýynyń 300-den astam deregi, qarsy jolaqqa shyǵýdyń 80-ge jýyq deregi anyqtaldy. 2 myń jaıaý júrginshi jol júrisi qaǵıdalaryn buzǵan», – dedi QR ІІM krımınaldyq polıtsııa departamentiniń bastyǵy Aıdos Rysbaev.

Jalpy alǵanda jol qaýipsizdigin kúsheıtý boıynsha qabyldanǵan sharalardyń arqasynda eki aıda jol-kólik oqıǵalary 5%-ǵa, qaza tapqandar sany 11%-ǵa jáne jaralanǵandar sany 8%-ǵa tómendedi. Qylmystyq quqyq buzýshylyq boıynsha eki táýlik ishinde 945 qylmys tirkeldi, onyń ishinde kezekshi táýlikte 624 qylmys ashyldy. Buryn jasalǵan qylmystardyń ishinen 253 qylmys, onyń ishinde «ótken jyldar» sanatyndaǵy 3 kisi óltirý anyqtaldy. Bul 2002 jyly Astana qalasynda bolǵan kámeletke tolmaǵan jasty óltirý, 2004 jyly Shymkent qalasynda jasalǵan kisi óltirý jáne ótken jyly Almaty qalasynda ashylmaǵan kisi óltirý faktileri. Sondaı-aq qabyldanǵan sharalardyń arqasynda 8 densaýlyqqa aýyr zııan keltirý, 5 zorlaý, 7 buzaqylyq, 2 qaraqshylyq shabýyl, 13 tonaý, 18 alaıaqtyq jáne 125 urlyq anyqtaldy. Bótenniń múlkin urlaýmen aınalysatyn 16 qylmystyq top músheleri ustaldy. Zańsyz aınalymnan 52 atys qarýy tárkilendi, onyń ishinde 12 ıir oıyqty myltyq, sondaı-aq 6,5 keliden astam esirtki, onyń ishinde 6,2 keli sıntetıkalyq esirtki tárkilendi. 2 fıtolaboratorııa joıyldy.

Qabyldanǵan sharalardyń nátıjesinde izdeýde júrgen 290 qylmysker ustaldy. Respýblıkadan tys jerde izdeýde júrgen 19 adam ustaldy. Qazaqstan aýmaǵynda TMD elderi úshin 137 izdeýde júrgen qylmysker quryqtaldy. Habar-osharsyz ketken 79 adamnyń, onyń ishinde Belarýs Respýblıkasynda izdeýde júrgen bir adamnyń ornalasqan jeri anyqtaldy.

– Qoǵamdyq tártipti qorǵaýdy kúsheıtý, qylmysqa qarsy is-qımyl jáne jol qaýipsizdigin qamtamasyz etý jónindegi jumys jalǵasatyn bolady, – dedi ol.