QR ІІM Sandýǵash Dúısenovany polıtseıler ne úshin sheshindirip, vıdeoǵa túsirgenin túsindirdi

ASTANA. QazAqparat – Іshki ister mınıstriniń birinshi orynbasary Marat Qojaev jýrnalıst Sandýǵash Dúısenovany polıtsııa ýchaskesinde sheshindirip, vıdeoǵa túsirýge qatysty túsinik berdi, dep habarlaıdy QazAqparat tilshisi.

«Sóz azamatqa jeke tintý júrgizý protsedýrasyna qatysty bolyp otyr. Bul tergeý áreketi, onyń ishinde ǵylymı-tehnıkalyq quraldar men vıdeo túsirilim júrgizý Qylmystyq is júrgizý kodeksinde reglamenttelgen. Bul erteń azamat bir zatyn alyp qoıdy dep aıtpaýyna senimdi bolý úshin jasalady. Basqa maqsat – adam organdardyń arnaýly bólimshelerine túsken kezde keıinnen ózine dene jaraqatyn salǵanyn aıtpaýy úshin», - dedi Marat Qojaev Úkimet otyrysynan keıin BAQ ókilderiniń saýalyna oraı.

Sonymen qatar ol atalǵan jýrnalısti tintý barysynda onyń advokaty qasynda bolǵanyn aıtady.

«Buǵan qosa, onda tyr-jalańash sheshindirdi degen sııaqty aıtýǵa bolmaıdy. Protsedýra bir jynystaǵy adamdardyń tintýin kózdeıdi», - dedi mınıstrdiń birinshi orynbasary.

Marat Qojaev Qylmystyq kodekste reglamenttelgen protsedýra barlyq adamǵa birdeı ekendigin basa aıtty.

Sondaı-aq búgin M.Qojaev polıtseılerdiń is-áreketinen prokýrorlar men sot kemshilik anyqtaǵan jaǵdaıda Іshki ister mınıstrligi keshirim suraýǵa daıyn ekenin jetkizdi.

Eske sala keteıik, 11 tamyzda jetisýlyq jýrnalıst, azamattyq belsendi Sandýǵash Dúısenova ustalǵan edi.

Oǵan QR Qylmystyq kodekstiń 147-baby 5-bóligi boıynsha aıyp taǵylǵan. Bul bapta adamnyń jeke ómiri týraly aqparatty taratqandarǵa jaza qarastyrylǵan.

Keıin bosap shyqqan jýrnalıst ózin polıtseıler bólimshede sheshindirip, vıdeoǵa túsirgenin jetkizdi.

Osyǵan oraı Jetisý oblystyq Polıtsııa departamenti málimdeme jasap, nelikten vıdeoǵa túsirgenin túsindirdi.