QR ІІM Qylmystyq álemniń serkesi «Dıkıı Armannyń» qalaı ustalǵanyn málim etti

NUR-SULTAN. QazAqparat – QR Іshki ister mınıstrliginiń ókilderi qylmys áleminiń serkesi, «Dıkıı Arman» degen laqap atpen tanymal Arman Jumakeldıevtiń qalaı ustalǵany týraly málimetterdi jarııalady, dep habarlaıdy QazAqparat.

«Almatyda polıtsııanyń arnaıy jasaǵy júrgizgen operatsııa barysynda «Dıkıı Arman» degen laqap atpen tanymal Arman Jumakeldıev bastaǵan qylmystyq toptyń 6 ókili ustaldy»,-dep habarlady vedomstvonyń baspasóz qyzmeti.

QR ІІM-niń dereginshe, qylmyskerler olardy ustaý kezinde qarsylyq kórsetýge tyrysty.

«Alaıda, polıtsııanyń tabandy áreketteriniń nátıjesinde qylmyskerler oılaǵan maqsatyna jete almady. Ustaý barysynda kúdiktilerden markalary men kalıbri ártúrli 4 jartylaı avtomatty tapansha jáne olardyń oq-dárileri, sýyq qarý men brondalǵan avtomobıl alyndy»,-dep naqtylady mınıstrlik ókilderi.

Osyǵan deıin polıtsııa Almatyda qylmys áleminde tanymal Arman Jumakeldıevtiń ustalǵany týraly habarlaǵan bolatyn.