QR ІІM: 400-den astam azamattan 700-den astam zańsyz qarý tárkilendi

NUR-SULTAN. QazAqparat – Іshki ister mınıstrligi eldegi zańsyz qarý saqtaý jaıty jáne esirtki taratýmen kúres jaǵdaıyna qatysty sońǵy derektermen bólisti, dep habarlaıdy QazAqparat tilshisi.

«Jedel-profılaktıkalyq shara barysynda qarýdy zańsyz saqtaǵany jáne alyp júrgeni úshin 451 adam ustaldy. Olardan 774 dana atys qarýy jáne 7 737 arnaıy quraldar men oq-dáriler tárkilendi. Mysaly, Almaty qalasynda 1982 jyly týǵan «Toyota Land Cruiser Prado» kólik ıesi ustaldy. Avtokóliktiń salonynda «MR-79-9TM» travmatıkalyq tapanshasy tabylyp, tárkilendi», - dedi QR ІІM ákimshilik polıtsııa komıteti basqarma basshysynyń orynbasary Dáýren Qozybaqov onlaın ótken brıfıngte.

Odan bólek, spıker eldegi eskirtkimen kúres ahýalyna toqtalyp ótti.

«Esirtkini zańsyz saqtaǵany jáne alyp júrgeni úshin 667 adam ustaldy. Olardan jalpy kólemi 170 keliden astam esirtki tárkilendi. Onyń ishinde 545 gramnan astamy geroın. Mysaly, bıyl 31 qańtarda Aqtóbe qalasynda tártip saqshylar kúdikti 2 azamatty ustady. Olardan 10 kelige jýyq (9 880 gr) marıhýana tabylyp, tárkilendi», - deıdi ol.

Buǵan deıin QR ІІM ókili qańtarda bolǵan jappaı tártipsizdikter kezinde Almatyda alańǵa shyqqandarǵa metall armatýra taratqandardyń ustalǵanyn aıtty.

Sondaı-aq, mınıstrlik elimizde qylmys jıi bolatyn óńirlerdi atady.