QR IIDM vıtse-mınıstri Berik Kamalıev júk tasymaldaýshylarmen kezdesti

NUR-SULTAN. QazAqparat - Búgin QR Indýstrııa jáne ınfraqurylymdyq damý vıtse-mınıstri Berik Kamalıev, «QazAvtoJol» UK» AQ-nyń Basqarma tóraǵasy Asqar Muratuly, Atameken UKP men Kazlogistics QKO ókilderi alys saparǵa júk tasymaldaýshy júrgizýshilermen kezdesti.

«QazAvtoJol» UK» AQ-nyń baspasóz qyzmetiniń habarlaýynsha, kezdesý barysynda ınfraqurylymdy damytýdyń «Nurly Jol» memlekettik baǵdarlamasyn júzege asyrý aıasynda avtojoldarda aqyly júıeni engizý máselesi talqylandy.

Júrgizýshiler ózderiniń usynystaryn jetkizip, aqyly júıeni engizýge baılanysty pikirlerimen bólisti.

Jaýapty mınıstrlik pen «QazAvtoJol» UK» AQ bir aptalyq merzimde barlyq belsendilik tanytqan azamattardyń usynystaryn qoǵamdyq qaýymdastyqtar arqyly qabyldaýǵa daıyn ekenin jetkizdi.

Qaýymdastyqtar barlyq usynystardy jınaǵannan keıin aqyly júıeni engizý merzimi men tólem mólsherlemesi týraly buıryqtardyń jobasy qarastyrylady.

Esterińizge sala keteıik, bıyl respýblıkalyq mańyzy bar 5,8 myń shaqyrymǵa jýyq avtojol ýchaskelerinde aqyly júıe engizý josparlanǵan. Qoldanystaǵy zańnamaǵa sáıkes, jeńil kólikter tek І-tehnıkalyq sanattaǵy avtojoldarda tólem jasaıdy.