QR IIDM: shet elderdegi otandyq týrıster elge astana arqyly jetkiziledi

NUR-SULTAN. QazAqparat - Jańa jyldyq demalysqa BAÁ, Shrı-Lanka, Taıland, Maldıv jáne Goaǵa ketken týrısterdi elge jetkizý jumystary múmkindiginshe jedeldetilip, elorda áýejaıy arqyly júrgiziledi, dep habarlaıdy QazAqparat QR IIDM baspasóz qyzmetine silteme jasap.

QR Indýstrııa jáne ınfraqurylymdyq damý vıtse-mınıstri Berik Kamalıev QR IIDM Azamattyq avıatsııa komıtetiniń, QR Mádenıet jáne sport mınıstrligi Týrızm ındýstrııasy komıtetiniń, áýe kompanııalarynyń, áýejaılardyń, «QTJ» UK« AQ men Qazaqstannyń týroperatorlar qaýymdastyǵynyń basshylyǵymen ótken keńeıtilgen keńeste shet elderge demalysqa ketip, áýejaılar jumysynyń turaqsyzdyǵyna baılanysty elge oralýy qıyndaǵan qazaqstandyqtardy evakýatsııalaý kestesin tez arada ázirleýdi tapsyrdy.

Keńeste reısterdi uıymdastyrýǵa tartylǵan barlyq qatysýshylardyń ózara is-qımylynyń egjeı-tegjeıi pysyqtaldy. «QTJ« UK» AQ basshylyǵyna poıyzdardy jasaqtaý kezinde jolaýshylardy qaıtarý kestesin eskerý jáne olarǵa barynsha kómek kórsetý tapsyryldy.