Testileý ortalyǵy UBT-ǵa daıyndaý boıynsha tegin onlaın-sabaqtar bastady

<p>20 qarashada QR Ǵylym jáne joǵary bilim mınıstrliginiń Ulttyq testileý ortalyǵy elimizdiń bilim berý ortalyqtarymen birlesip Ulttyq biryńǵaı testileýge (UBT) daıyndalýǵa arnalǵan tegin onlaın-sabaqtardy bastaıdy, dep habarlaıdy <a href="https://kaz.inform.kz/?_gl=1*17nrjay*_ga*NzgwMzg1NDY2LjE2OTQ4MzQ5NTM.*_ga_Y44SMVECD5*MTcwMDU4NDMxNC44MS4wLjE3MDA1ODQzMTQuNjAuMC4w&amp;pk_vid=950730acf4cfe4b61700584317cf80e5" target="_blank" rel="noopener">Kazinform</a> ortalyqtyń mınstrliktiń <a href="https://www.facebook.com/100083171025238/posts/pfbid02jX7ToTi7txrGmZqzQYEJ5VpGz9zggMHNe7Ub9TZeHF1tPspNjvTDT6fsU2HHCrMbl/?mibextid=I6gGtw" target="_blank" rel="noopener">baspasóz</a> qyzmetine silteme jasap.</p>

Onlaın sabaqtar iri respýblıkalyq bilim berý ortalyqtarymen birlesip ázirlendi. Sabaqtar bilim berý ortalyqtarynyń YouTube arnalarynda jáne Instagram paraqshalarynda tikeleı efırde ótkiziledi. Onlaın sabaqtardyń barlyq efıri talapkerler kez-kelgen ýaqytta kóre alýy úshin saqtalady.

«Ǵylym jáne joǵary bilim mınıstrligi testileý kezinde ǵana emes, onyń bastalýyna deıin de qolaıly jaǵdaı jasaý úshin jumys júrgizip jatyr. Túlekterdiń UBT-ǵa daıyndyǵyn Ulttyq testileý ortalyǵy bilim berý ortalyqtarymen birlesip, tórtinshi jyl ótkizip otyr. Ótken jyly 600-ge jýyq saǵat onlaın sabaqtar ótkizildi. Oǵan elimizdiń barlyq óńirleriniń mektep túlekteri qatysyp, UBT pánderi boıynsha daıyndyqtan ótti. Bıyl 20-dan astam ortalyq sabaq beretin bolady. Joba bıýdjet qarajatyn jumsamaı iske asyrylǵanyn atap ótkim keledi», - dedi QR ǴJBM Ulttyq testileý ortalyǵynyń dırektory Rýslan Emelbaev.