QR ǴBM «Halyqaralyq baǵdarlamalar ortalyǵy» AQ prezıdenti bolyp Ǵ. Nyǵmetov taǵaıyndaldy
Jańa basshyny ujym aldynda tanystyrǵan Bilim jáne ǵylym mınıstri Aslan Sárinjipov búgingi kúni Ortalyq aldyna asa mańyzdy mindetter qoıylyp otyrǵandyǵyn, solardyń biri Qazaqstan basqarý elıtasynyń bolashaq býynyn tárbıeleý ekendigin atap ótti.
Óz kezeginde, Ǵ. Nyǵmetov mınıstrlik basshysyna kórsetilgen senim úshin alǵys bildirip, belgilengen eńbek mejesin júzege asyrýǵa kásiptik sheberlikpen kirisetindigi jóninde ýáde berdi.
Ǵanı Nyǵmetov 2005 jyly L.N. Gýmılev atyndaǵy Eýrazııa ulttyq ýnıversıtetin «halyqaralyq qatynastar» mamandyǵy boıynsha úzdik belgimen támamdady, 2007 jyly Montereı halyqaralyq zertteý ınstıtýtyn (AQSh) memlekettik basqarý magıstri dárejesi boıynsha bitirip shyqty. Nazarbaev Ýnıversıteti bazasynda Dıýk Ýnıversıtetin (AQSh) qosa Executive MBA baǵdarlamasy boıynsha bilim alýda.
Mashyqtaný kýrstaryn BUU Damý baǵdarlamasynda (Nıý Iork q-sy, AQSh), Garvard ýnıversıtetiniń Kennedı atyndaǵy Basqarý mektebinde (AQSh), Lı Kýan ıÝ atyndaǵy Memlekettik saıasat mektebininiń Executive Education baǵdarlamasy boıynsha (Sıngapýr), Eýropalyq kolledjde (Belgııa), Kolýmbııa ýnıversıtetinde (AQSh) ótti.
2007-2009 jyldary Ǵ. Nyǵmetov «QR Úkimeti jáne Ulttyq Banki janyndaǵy Ulttyq taldaý ortalyǵy» AQ ákimshilik reformasy máseleleri boıynsha sarapshy-taldaýshy, memlekettik basqarý departemanti jobasynynyń menedjeri bolyp qyzmet atqardy.
2009-2011 jyldary «Nazarbaev Ýnıversıteti» AQ halyqaralyq yntymaqtastyq departamentiniń dırektory bolyp istedi. 2011-2012 jyldary Nazarbaev Ýnıversıtetiniń Energetıkalyq zertteýler ortalyǵy bas dırektorynyń damý jónindegi orynbasary-ǵylym jónindegi ortalyq keńsesiniń dırektory laýazymdarynda boldy.
Sońǵy taǵaıyndaýǵa deıin Ǵanı Nyǵmetov Nazarbaev Ýnıversıtetiniń ǵylymı jáne ınnovatsııalyq qoldaý máseleleri jónindegi enshiles uıymy, Nazarbayev University Research and Innovation System (NURIS) bıznesti damytý jónindegi bas dırektory qyzmetin atqardy.