QR Energetıka mınıstrligi tórtinshi MÓZ boıynsha jumys tobyn qurdy
14:43, 05 Naýryz 2015
ASTANA. QazAqparat - QR Energetıka mınıstrliginiń jumys toby tórtinshi munaı óńdeý zaýytyna qatysty barlyq saýaldardy qarastyratyn bolady. Bul týraly QR Energetıka vıtse-mınıstri Maǵzum Myrzaǵalıev málim etti.
Ol jańa zaýytty salý Memleket basshysy Nursultan Nazarbaevtyń tapsyrmasy ekendigin eske saldy.
«Osy máselemen aınalysatyn jumys tobyn qurdyq. Sheshilmegen saýaldar bar, jumys toby osylarǵa jaýap tabatyn bolady», - dep atap ótti ol.
Vıtse-mınıstrdiń sózine qaraǵanda, aldymen zaýyttyń ornalasatyn jerin anyqtaý qajet. Ekinshiden, onyń qýattylyǵy men ortasha qunyn anyqtaý kerek. Úshinshiden, zaýyttyń ónimin ótkizetin qandaı naryqtar baryn baǵamdaý maqsaty tur.
Vıtse-mınıstrdiń sózine qaraǵanda, qýattylyǵy jylyna 10 mln. tonna munaıdan aspaıtyn zaýytty salý tıimdi emes jáne onyń qısyny da joq. Onyń quny 10 mlrd. dollardan asyp ketedi.