QR Energetıka mınıstrligi RF avıakerosınin alýdyń jaǵdaıyn túsindirdi
«Avıakerosın boıynsha jaǵdaıǵa toqtalsaq, budan buryn biz ımporttyq jetkizilimge muqtaj emes edik, Pavlodar munaı óńdeý zaýytynda 240 myń tonna avıakerosın óndiriletin edi, sondaı-aq osynshama kólemde Shymkent munaı óńdeý zaýytynda da shyǵarylatyn. Osy eki zaýyt tolyqtaı ishki naryqty qamtamasyz etip keldi. Ótken jyly Qazaqstanda avıakerosındi tutyný kólemi 510 myń tonnany qurady, al bıyl bul kórsetkish 550 myń tonnaǵa deıin ósedi dep baǵalap otyrmyz. 2-3 jyl buryn reseılik munaıdy Pavlodar MÓZ-ine jetkizý kestesi ózgerdi, ıaǵnı kúkirttik quramy joǵary munaı jiberilgendikten, zaýyt avıakerosın óndirý quqyǵynan aıyryldy»,-dedi ol Ortalyq kommýnıkatsııalar qyzmetindegi baspasóz máslıhatynda.
Osy oraıda atalǵan otyn boıynsha qaýipsizdik pen áýe tasymalyna qoıylatyn talaptar nazarǵa alynyp, Pavlodardaǵy zaýytta 240 myń tonna avıakerosındi óndirý toqtatyldy. Endi bul kólemdi RF tarapynan satyp alýǵa májbúr boldyq.
Esterińizge sala keteıik, ótken aptada QR Energetıka mınıstrligi Munaı ónerkásibin damytý departamentiniń dırektory Qýanysh Qudaıbergenov áýe reısteri toqtap qalatyndaı avıakerosınniń tapshylyǵy bolmaıtynyn málim etken edi.