QR Energetıka mınıstrligi men saýdııalyq ACWA Power kompanııasy arasynda memorandým jasaldy

NUR-SULTAN. QazAqparat – QR Energetıka mınıstri Bolat Aqsholaqov pen ACWA Power Mohammad Abunayyan tóraǵasy elektr energetıkasy men jańartylatyn energııa kózderin damytý salasyndaǵy ekijaqty yntymaqtastyq máselelerinde ózara túsinistik týraly Memorandýmǵa qol qoıdy.

Atalmysh shara 24 shildede Qazaqstan Respýblıkasynyń Prezıdenti Qasym-Jomart Toqaevtyń Saýd Arabııasy Koroldigine resmı sapary sheńberinde jasaldy, dep habarlaıdy QazAqparat Energetıka mınıstrliginiń resmı saıtyna silteme jasap.

Taraptar birqatar energetıkalyq jobalardy iske asyrý múmkindigin zerdeleý boıynsha birlesken jumys týraly ýaǵdalasty.

Qol qoıylǵan qujat yntymaqtastyqty damytýǵa jáne kún, jel jáne gaz elektr stantsııalaryn salý jáne paıdalaný boıynsha ınvestıtsııalyq jobalardy iske asyrý joldaryna baǵyttalǵan.

Sondaı-aq memorandým sheńberinde akkýmýlıatorlyq batareıalar bazasynda elektr energııasyn jınaqtaý júıelerin salý arqyly energııa júıesiniń jumys rejımderin turaqtandyrýǵa múmkindik beretin ınvestıtsııalyq jobalar jáne gıdroakkýmýlıatsııalyq elektr stantsııalaryn salý, teńiz sýyn tuşylandyrý jáne jasyl sýtegi óndirý boıynsha basqa da energetıkalyq jobalar qaralyp, zerdelenetin bolady.

Qol qoıý barysynda Bolat Aqsholaqov ACWA Power kompanııasynyń Qazaqstandaǵy balamaly energetıka salasyndaǵy birlesken jobalardy iske asyrýǵa degen úlken qyzyǵýshylyǵyn atap ótti.

Memorandým qol qoıylǵan kúninen bastap kúshine enedi.