QR Energetıka mınıstriniń «Baǵalaryna memlekettik retteý belgilengen bólshek saýdada ótkiziletin munaı ónimderine shekti baǵalardy belgileý týraly» buıryǵyna ózgeris engizildi
Qazaqstan Respýblıkasynyń Energetıka mınıstrliginiń buıryǵy
Astana qalasy 2015 jylǵy 4 qyrkúıek, №557
«Baǵalaryna memlekettik retteý belgilengen bólshek saýdada ótkiziletin munaı ónimderine shekti baǵalardy belgileý týraly» Qazaqstan Respýblıkasy Energetıka mınıstriniń 2015 jylǵy 19 mamyrdaǵy №361 buıryǵyna ózgeris engizý týraly
BUIYRAMYN:
1.«Baǵalaryna memlekettik retteý belgilengen bólshek saýdada ótkiziletin munaı ónimderine shekti baǵalardy belgileý týraly» Qazaqstan Respýblıkasy Energetıka mınıstriniń 2015 jylǵy 19 mamyrdaǵy №361 buıryǵyna (Normatıvtik quqyqtyq aktilerdi memlekettik tirkeý tiziliminde №11165 bolyp tirkelgen, «Ádilet» aqparattyq-quqyqtyq júıesinde 2015 jylǵy 29 mamyrda jarııalanǵan) mynadaı ózgeris engizilsin:
1-tarmaq mynadaı redaktsııada jazylsyn:
«1. Baǵalaryna memlekettik retteý belgilengen bólshek saýdada ótkiziletin munaı ónimderine QQS esebimen shekti baǵalar mynadaı mólsherde belgilensin: dızel otyny - 1 lıtr úshin 99 teńge; Aı-80 - 1 lıtr úshin 89 teńge.».
2. Qazaqstan Respýblıkasy Energetıka mınıstrliginiń Munaı ónerkásibin damytý departamenti zańnamada belgilengen tártippen:
1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi;
2) osy buıryq Qazaqstan Respýblıkasynyń Ádilet mınıstrliginde memlekettik tirkelgeninen keıin onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty alǵan kúnnen bastap on kúntizbelik kún ishinde onyń kóshirmesin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
4) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy;
5) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2), 3) jáne 4) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıtse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin ótken soń qoldanysqa engiziledi.
Qazaqstan Respýblıkasy Energetıka mınıstri V.ShKOLЬNIK.
«KELІSІLGEN» Qazaqstan Respýblıkasy Ulttyq ekonomıka mınıstri E. Dosaev
Buıryq Qazaqstan Respýblıkasynyń Ádilet mınıstrliginde 2015 jylǵy 4 qyrkúıekte Normatıvtik quqyqtyq kesimderdi memlekettik tirkeýdiń tizilimine №12018 bolyp engizildi.