QR-dyń BUU QK múshesi retindegi bastamalary álemdik qoǵamdastyq tarapynan qoldaý tabatynyna senemiz - «Shyǵarmashyl bastamashy áıelder lıgasy» QB
21:42, 03 Shilde 2016
ASTANA. QazAqparat - Áıelderdiń úkimettik emes uıymdary Qazaqstan halqyn BUU Qaýipsizdik Keńesiniń 2017-2018 jyldardaǵy turaqty emes músheligi saılaýynda aıqyn jeńiske jetýimen quttyqtaıdy.
Táýelsizdigimizdiń 25 jyldyǵyn merekeleý belesinde biz osy jaǵymdy jańalyqty Qazaqstan Prezıdenti N.Á.Nazarbaev basynda turǵan otandyq dıplomatııanyń saltanaty retinde qabyldadyq. Bul jeńiske Memleket basshysynyń qosqan úlesi baǵa jetkizgisiz. Ol «Álem. HHІ ǵasyr» manıfesinde usynǵan beıbitshilik pen kelisimniń, soǵystar men janjaldarǵa jol bermeýdiń qaǵıdattary búkil álemdik qoǵamdastyq tarapynan keń qoldaý tapty.
Qazaqstannyń BUU Qaýipsizdik Keńesiniń múshesi retindegi jańa jahandyq bastamalary jer betindegi beıbitshilik pen turaqtylyqty nyǵaıtýǵa súbeli úles bolyp qosylsa, bul óz kezeginde, álemdik qoǵamdastyq tarapynan qoldaý tabatynyna senimdimiz.