QR DSM men «AstraZeneca» yntymaqtastyq týraly Memorandýmǵa qol qoıdy
Ulybrıtanııa men Qazaqstannyń 8-shi úkimetaralyq komıssııasynyń plenarlyq otyrysy aıasynda QR Densaýlyq saqtaý mınıstrligi men «AstraZeneca» kompanııasynyń Qazaqstandaǵy ókildigi arasynda ózara túsinistik týraly Memorandýmǵa qol qoıyldy.
Bul qujat sapaly jáne qoljetimdi densaýlyq saqtaýdy damytý, 2025 jylǵa qaraı azamattardyń ómir súrý uzaqtyǵyn 75 jasqa deıin arttyrý, ınfektsııalyq emes aýrýlardyń proaktıvti profılaktıkasy modelin engizý jáne Qazaqstan Respýblıkasynyń densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyn iske asyrý sheńberinde aýrýlardy basqarý baǵdarlamalaryn keńeıtý jónindegi sharalardy iske asyrýǵa baǵyttalǵan.
«2020 jyl azamattar úshin medıtsınalyq-sanıtarlyq kómektiń sapasy men qoljetimdiligin jaqsartýǵa keshendi tásildiń qajettiligin kórsetti. Biz halyq densaýlyǵyn sıpattaıtyn kórsetkishterde sapaly ilgerileýge qol jetkizý úshin memlekettik vedomstvolardy, bıznes ókilderin, barlyq deńgeıdegi qoǵamdyq uıymdardy, birinshi kezekte, halyqtyń ınnovatsııalarǵa qoljetimdiligine tikeleı áser etetin qurylymdardy qosa alǵanda, búkil qoǵamnyń kúsh–jigeriniń kelisimdiligi qajet ekenin túsinemiz», - dep atap ótti QR Densaýlyq saqtaý vıtse-mınıstri Jandos Búrkitbaev.
Bul rette Memorandým ınfektsııalyq emes aýrýlardy basqarýdyń ınnovatsııalyq tásilderi týraly bilimdi arttyrý jáne áleýmettik máni bar aýrýlardy qazirgi zamanǵy emdeý máselelerinde Densaýlyq saqtaý mamandarynyń bilim deńgeıin arttyrý úshin ǵylymı bilim berý baǵdarlamalary sııaqty baǵyttarda yntymaqtastyq múmkindigin ashady.
Sondaı-aq, densaýlyq saqtaýdy klınıkalyq praktıkaǵa jáne tsıfrlandyrýǵa áleýmettik mańyzy bar aýrýlardy dıagnostıkalaý men emdeýdiń qazirgi zamanǵy ádisterin engizý, sondaı-aq jańa tsıfrlyq ekojúıeni qurý boıynsha usynystar ázirlenedi dep josparlanýda.
Budan basqa, Memorandým otandyq taýar óndirýshilermen birlesip dárilik zattardy oqshaýlaýǵa járdem kórsetýdi jáne táýekel-sherıng (táýekelderdi bólý) formatynda ózara is-qımyldyń ınnovatsııalyq modelderin ázirleýdi, sondaı-aq farmakologııalyq qadaǵalaý salasyndaǵy yntymaqtastyqty kózdeıdi.
QR Densaýlyq saqtaý mınıstrligimen yntymaqtastyq sheńberinde «AstraZeneka» kompanııasy qant dıabetin anyqtaý men baqylaýdy jaqsartý jónindegi baǵdarlamalardy qoldaýdy, respıratorlyq aýrýlardy emdeýdi jetildirýdi, orfandyq (sırek kezdesetin) aýrýlar salasynda Qazaqstannyń densaýlyq saqtaý júıesin damytýdy jaqsartý máseleleri boıynsha járdem kórsetýdi, qan aınalymy júıesi aýrýlarynan bolatyn terapııa jáne ólim-jitimdi azaıtý jónindegi baǵdarlamalardy iske asyrýdy josparlap otyr.
«Búgin qol qoıylǵan memorandým «AstraZeneka» kompanııasynyń jınaqtalǵan jahandyq saraptamasyn respýblıkadaǵy medıtsınalyq kómekti jetildirý úshin qoldanýǵa múmkindik beredi. Memorandýmnyń mańyzdy mindetteriniń biri qazaqstandyqtardy tirkelgen sátten bastap qysqa merzimde ınnovatsııalyq preparattarǵa qol jetkizýmen qamtamasyz etý bolyp tabylady. Budan basqa, memorandýmda Densaýlyq saqtaý mamandarynyń quzyretterin jetildirýge kóp kóńil bólinedi. Mundaı sınergııa Qazaqstan Respýblıkasyndaǵy klınıkalyq tájirıbege áleýmettik mańyzy bar aýrýlardyń zamanaýı dıagnostıkasy men terapııasyna tsıfrlyq sheshimder men jańa tásilderdi engizýdi jedeldetýge múmkindik beredi», - dedi «AstraZeneka» kompanııasynyń Qazaqstandaǵy ókildiginiń dırektory Aleksandr Tarıshkın.
Kompanııa sondaı-aq molekýlıarlyq-genetıkalyq dıagnostıkany damytýdy, sondaı-aq mamandardy qashyqtyqtan oqytýdyń tsıfrlyq tehnologııalaryn engizýdi jáne onkologııalyq aýrýlardan zardap shegetin patsıentterdi monıtorıngileýdi qosa alǵanda, onkologııalyq aýrýlary bar patsıentterge medıtsınalyq kómek kórsetý sapasyn arttyrýǵa óz úlesin qosýǵa nıetti.
«Memorandýmǵa qol qoıý COVID-19 pandemııasynyń qıyn jaǵdaıynda elderimiz arasyndaǵy qatynastardy nyǵaıtý jolyndaǵy taǵy bir qadam bolyp tabylady. Yntymaqtastyqty keńeıtý asa mańyzdy, óıtkeni 2022 jyly Qazaqstan men Ulybrıtanııa arasyndaǵy dıplomatııalyq qatynastardyń ornaǵan sátinen bastap 30 jyldyq mereıtoı keńinen atap ótiletin bolady. Biz bul kelisim áleýmettik-ekonomıkalyq blok baǵytyndaǵy seriktestigimizdi nyǵaıtady jáne qazaqstandyqtarǵa ınnovatsııalyq terapııa men densaýlyq saqtaý salasyndaǵy úzdik praktıkalarǵa barynsha tez qol jetkizýge kómektesedi dep úmittenemiz», – dep atap ótti Ulybrıtanııanyń Qazaqstan Respýblıkasyndaǵy Elshisi Ketı Lıch.