QR DSM basqa óndirýshilerden vaktsına jetkizý jaıynda habarlady
«Vaktsına boıynsha sáýir aıynda eki mıllıon dozany jetkizýdi josparladyq. Onyń ishinde 500 myńyn kútip otyrmyz. Bizde joǵary deńgeıdegi ýaǵdalastyq bar. Qazirgi kezde basqa da óndirýshilerden vaktsınany kútip otyrmyz. Qazirgi kelisimshart jasaý kezeńinde bolǵandyqtan, aqparatty ázirge jarııalaı almaımyz. Shart bekitilgen kezde, ony jarııa etemiz. Degenmen, 500 myń kólemindegi vaktsınany sáýir aıynyń sońyna deıin alýdy josparlap otyrmyz», - dedi A. Tsoı Ortalyq kommýnıkatsııalar qyzmetinde.
Sonymen qatar ol Sinovac, Pfizer, Modern vaktsınalary boıynsha kelissózder qarastyrylyp jatqanyn aıtty.
«Qazirgi kezde qurǵan kestelerin pysyqtap jatyr, olardyń árqaısysy der kezinde jetkizýge tyrysyp jatyr», - dedi mınıstr.
Budan buryn habarlanǵandaı, QR Densaýlyq saqtaý mınıstri Alekseı Tsoı koronavırýsqa qarsy vaktsınanyń birinshi jáne ekinshi komponenti qansha adamǵa salynǵanyn aıtty.