QR DSM básekelestik ortaǵa berilgen 4 qyzmeti boıynsha ashyq konkýrs jarııalady
«QR Densaýlyq saqtaý mınıstrligi jospar boıynsha táýelsiz básekelestik ortaǵa jáne ózin-ózi retteıtin uıymdarǵa beriletin birqatar fýnktsııalardy berý jumystary júrgizilýde. Ult josparynyń 97 qadamyn oryndaý sheńberinde azamattardyń jáne kásipkerlik sýbektileriniń sheshimder qabyldaý protsesine qatysý múmkindigi josparlanyp otyr», - delingen habarlamada.
Qazirgi ýaqytta QR Densaýlyq saqtaý mınıstrligi «Memlekettik satyp alý týraly» QR Zańyna sáıkes satyp alýdyń 4 baǵyty boıynsha ashyq konkýrs júrgizedi. Olar: Analar men perınataldyq ólim-jitimniń qupııa aýdıtin júrgizýge qatysty qyzmetter; Qaıta retteý, bıznes úshin kedergilerdi azaıtý jáne densaýlyq saqtaý salasynda jekemenshik sektoryn damytý; Qazaqstanda densaýlyq saqtaýdy standarttaý júıesin jetildirý boıynsha jumystar; Klınıkalyq hattamalardy ázirleý/qaıta qaraý.
Osy fýnktsııalar alǵash ret básekelestik ortaǵa berilgen. Buryn bul jumysty QR Densaýlyq saqtaý mınıstrliginiń vedomstvolyq baǵynysty uıymy memlekettik tapsyrmasyna sáıkes júrgizip kelgen.
Konkýrsqa qatysýǵa medıtsınalyq qaýymdastyq, úkimettik emes uıymdar, densaýlyq saqtaý salasyndaǵy ǵylymı-zertteý ınstıtýttary, ulttyq ortalyqtar, medıtsınalyq ýnıversıtetterdi shaqyrylady.