QR DSÁDM janynan azamattyq qoǵammen ózara is-qımyl jónindegi qoǵamdyq keńes quryldy

ASTANA. QazAqparat - QR Densaýlyq saqtaý jáne áleýmettik damý mınıstrligi janynan QR DSÁDM men qazaqstandyq qoǵam ókilderi qatarynan qoǵamdyq keńes quryldy. Onyń maqsaty - qoǵamdyq mańyzy bar máseleler týraly, memlekettik organdardyń halyq aldynda esep berý mindettiligi men azamattyq qoǵammen ózara is-qımyly boıynsha azamattyq qoǵamnyń oı-pikirin bildirý bolmaq, - dep habarlady veomstvonyń baspasóz qyzmeti.

QR DSÁDM Qoǵamdyq keńesiniń quhyryna bıýdjettik baǵdarlamalar ákimshisiniń bıýdjettik baǵdarlamalarynyń, strategııalyq josparlardyń, memlekettik jáne úkimettik baǵdarlamalardyń oryndalýyn qarastyrý jáne talqylaý; atqarýshy organdardyń nysanaly ındıkatorlarǵa qol jetkizýi týraly esepterin talqylaý; taýarlardy (jumystardy, kórsetiletin qyzmetterdi) ótkizýden túsetin aqsha túsimderi men shyǵystary josparlarynyń oryndalýyn, qaıyrymdylyqtan túsetin aqshanyń túsýi men jumsalýy týraly esepterin talqylaý; azamattardyń quqyqtaryna, bostandyqtary men mindetterine qatysty normatıvtik quqyqtyq aktilerdiń jobalaryn ázirleýge jáne talqylaýǵa qatysý; qyzmettik ádep normalarynyń saqtalýyn qosa alǵanda, memlekettik basqarýdy jetildirý jáne memlekettik apparattyń ashyq jumysyn uıymdastyrý máseleleri boıynsha jeke jáne zańdy tulǵalardyń ótinishterin qaraý jáne basqalar kiredi.

Densaýlyq saqtaý jáne áleýmettik damý mınıstriniń buıryǵymen aǵymdaǵy jylǵy 26 aqpanynda QR DSÁDM Qoǵamdyq keńesiniń QR DSÁDM jaýapty hatshysy, qurylymdyq bólimsheleriniń basshylary men ÚEU ókilderi kirgen quramy bekitildi.