QR delegatsııasy TMD densaýlyq saqtaý salasyndaǵy yntymaqtastyq jónindegi keńes otyrysyna qatysty
Bul týraly QR Densaýlyq saqtaý jáne áleýmettik damý mınıstrliginiń baspasóz qyzmeti habarlady.
Shara barysynda otyrysqa qatysýshylar sýsamyrdyń aldyn alý jáne ony emdeý jónindegi TMD elderi yntymaqtastyǵynyń 2016-2020 jyldarǵa arnalǵan baǵdarlamasynyń jobalary; JITS/AQTV dertterimen kúres isine beıildilik týraly TMD densaýlyq saqtaý salasyndaǵy yntymaqtastyq jónindegi keńes deklaratsııasy; «Erlerdiń reprodýktsııalyq densaýlyǵy men áleýmettik uzaq ómir súrýi» memleketaralyq baǵdarlamasynyń jobasyn jáne Dostastyqqa qatysýshy memleketterdiń eńbek mıgranttary arasynda jynystyq qatynas arqyly juǵatyn JITS/AQTV ınfektsııasynyń aldyn alý júıesi jáne t.b. talqylady.
Eske sala ketsek, densaýlyq saqtaý salasyndaǵy yntymaqtastyq jónindegi keńes TMD aıasyndaǵy salalyq yntymaqtastyqtyń burynnan kele jatqan organdarynyń biri bolyp tabylady. Ol 1992 jyly maýsymda qurylǵan. Onyń quramyna Qazaqstan, Belarýs, Reseı, Armenııa, Qyrǵyzstan, Tájikstan, Túrkimenstan, Ózbekstan jáne Ýkraınanyń densaýlyq saqtaý mınıstrleri men bas memlekettik sanıtarlyq dárigerleri kiredi.